పి వి  పి సినిమా పతాకంపై, తమిళ హీరో ఆర్య, అందాల యోగా టీచర్ అనుష్క జంటగా, సెల్వరాఘవన్ దర్శకత్వంలో పొట్లూరి.వి.ప్రసాద్ తెలుగు, తమిళ భాషల్లో నిర్మిస్తున్న ద్విభాషా చిత్రం డిసెంబర్ 24 వ తేదీన హైదరాబాద్ శివార్లలో ఉన్న రామోజీ ఫిలిం సిటీలో నిరాడంబరంగా ప్రారంభమైంది. "నేను దేవుణ్ణి" "నేనే అంబానీ" చిత్రాల్లో ఆర్య హీరోగా నటించి తేలుగు ప్రేక్షకులకు బాగానే దగ్గరయ్యాడు.

ఈ చిత్ర దర్శకుడు సెల్వ రాఘవన్ "7/జి బృందావన్ కాలనీ", "ఆడవారిమాటలకు అర్థాలు వేరులే", "యుగానికొక్కడు" వంటి చిత్రాలతో తెలుగు ప్రేక్షకులకు సుపరిచితుడే. ఈ చిత్రాన్ని నిర్మిస్తున్నపొట్లూరి.వి.ప్రసాద్ తన పి వి పి సంస్థ ద్వారా విక్రమ్ హీరోగా, దీక్షాసేథ్ హీరోయిన్ గా తెలుగు తమిళ భాషల్లో "వీడింతే" అనే చిత్రాన్ని నిర్మిస్తున్నారు. ఈ చిత్రం విడుదలకు సిద్ధమవుతోంది.