బాలకృష్ణ "అధినాయకుడు" ఫస్ట్ లుక్ బయటకొచ్చింది. వివరాల్లోకి వెళితే శ్రీ కీర్తి క్రియేషన్స్ పతాకంపై, యువరత్న నందమూరి బాలకృష్ణ హీరోగా, లక్ష్మీ రాయ్, సలోని, ఛార్మీ కౌర్ హీరోయిన్లుగా, జయసుధ ఒక ముఖ్య పాత్రలో నటిస్తూండగా, పరుచూరి మురళి దర్శకత్వంలో, యమ్.యల్.కుమార్ చౌదరి నిర్మిస్తున్న విభిన్నకథాచిత్రం "అధినాయకుడు". ఈ "అధినాయకుడు" చిత్రంలో నందమూరి బాలకృష్ణ త్రిపాత్రాభినయంలో నటిస్తున్నారు.

మనవడు, తండ్రి, తాతగా మూడు విభిన్న పాత్రల్లో, మూడు విభిన్నమైన గెటప్పుల్లో నందమూరి బాలకృష్ణ ఈ " అధినాయకుడు" చిత్రంలో నటించటం విశేషం. ఈ " అధినాయకుడు" చిత్రానికి కళ్యాణి మాలిక్ సంగీతాన్ని అందిస్తుండగా, భాస్కరభట్ల రవికుమార్ సాహిత్యాన్ని అందిస్తున్నారు. ఈ " అధినాయకుడు"చిత్రాన్ని ఫిబ్రవరి నెలలో శివరాత్రి కానుకగా విడుదల చేయనున్నట్లు తెలిసింది. అలాంటి " అధినాయకుడు" చిత్రం ఫస్ట్ లుక్ ఇటీవల విడుదల చేశారు.