నాగచైతన్య "100% లవ్" కి సెన్సారు వారు "యు" సర్టిఫికేట్ ఇచ్చారు. వివరాల్లోకి వెళితే నాగచైతన్య హీరోగా, మిల్కీ వైట్ బ్యూటీ తమన్నా హీరోయిన్ గా, లెక్కల పంతులు సుకుమార్ దర్శకత్వంలో, బన్నీ వాసు నిర్మించిన విభిన్నప్రేమ కథా చిత్రం నాగచైతన్య "100% లవ్". నాగచైతన్య "100% లవ్" చిత్రానికి యువ సంగీత తరంగం దేవీ శ్రీ ప్రసాద్ సంగీతాన్నందించారు. నాగచైతన్య "100% లవ్" చిత్రంలో నటి కలర్స్ స్వాతి నటించకపోయినా ఒక పాట పాడటం విశేషం. గాయనిగా స్వాతికిదే తొలి గీతం కావటం కూడా ఒక ప్రత్యేకత అని చెప్పాలి. ఇప్పటికే మార్కెట్లోకి విడుదలైన ఈ చిత్రం ఆడియోకి ప్రేక్షకుల నుంచి మంచి స్పందనే లభిస్తోంది.

 

నాగచైతన్య "100% లవ్" చిత్రాన్ని ఏప్రెల్ 26 వ తేదీన సెన్సారుకి పంపించగా, ఈ చిత్రానికి సెన్సారు వారు "యు" సర్టిఫికేట్ ఇచ్చారు. నాగచైతన్య "100% లవ్" మూవీలో హీరో నాగచైతన్య పాత్ర పేరు బాలు కాగా, హీరోయిన్ తమన్నా పేరు మహాలక్ష్మీ అని తెలిసింది. పల్లెటూరు నుంచి నగరానికి చదువుకోటానికి వచ్చిన మహాలక్ష్మికీ, నగరంలోనే ఉండే బాలూకి మధ్య జరిగే ప్రేమకథే ఈ చిత్రమని సమాచారం.