స్టార్‌ హీరోల విషయంలో కాంబినేషన్‌ అనేది చాలా ఇంపార్టెంట్‌. ఏ డైరెక్టర్‌తో సినిమా చెయ్యాలి, ఎవరితో చెయ్యకూడదు అనే క్లారిటీ హీరోలకు ఉంటే ఇండస్ట్రీకి మంచి సినిమాలే వస్తాయి. అయితే ఒక్కోసారి ఆ క్లారిటీ మిస్‌ అవ్వడం వల్ల కొన్ని ప్రాజెక్టులు మిస్‌ ఫైర్‌ అవుతుంటాయి. అలా జరగకుండా ఉండాలంటే ఎంతో లౌక్యంగా వ్యవహరించాల్సి ఉంటుంది. తాము పక్కన పెట్టాలనుకుంటున్న డైరెక్టర్‌ని ఏ కారణం చేత తప్పించాలి అనే విషయాన్ని డీల్‌ చెయ్యడం అంటే మామూలు విషయం కాదు. దానికి ఎంతో తెలివి, మరెంతో నేర్పు, టైమింగ్‌ కావాలి అవన్నీ తనకి ఉన్నాయని ప్రూవ్‌ చేస్తున్నారు అల్లు అరవింద్‌. ఇంతకీ ఏ డైరెక్టర్‌ని తప్పించాలి అనే విషయంలోకి వెళితే.. త్రివిక్రమ్‌  పేరు వినిపిస్తోంది. 

ఈమధ్యకాలంలో అందర్నీ షాక్‌కి గురి చేసిన వార్త ఏదైనా ఉందీ అంటే.. అల్లు అరవింద్‌, బోయపాటి కాంబినేషన్‌లో సినిమా.. ఇదే అందర్నీ ఆలోచించేలా చేస్తోంది. వీరి కాంబినేషన్‌లో సినిమా చెయ్యాలని అఖండ టైమ్‌ నుంచే అనుకుంటున్నారు. అఖండ తర్వాత తమ బేనర్‌లోనే బోయపాటి సినిమా చెయ్యబోతున్నారని అల్లు అరవింద్‌ ప్రకటించిన విషయం తెలిసిందే. అయితే అది ప్రకటనతోనే ఆగిపోయింది. ఆ తర్వాత దాని గురించి ఎలాంటి ఊసూ లేదు. రామ్‌తో బోయపాటి చేసిన ‘స్కంద’ ఫ్లాప్‌ తర్వాత సడన్‌గా గీతా ఆర్ట్స్‌ ఆఫీస్‌కి చేరాడు. బన్నితో ‘సరైనోడు’ వంటి భారీ హిట్‌నిచ్చిన బోయపాటి మళ్ళీ అలాంటి ఓ పవర్‌ఫుల్‌ సబ్జెక్ట్‌ని రెడీ చేసే పనిలో పడిపోయాడు.

ఇక అల్లు అర్జున్‌, త్రివిక్రమ్‌ కాంబినేషన్‌లో సినిమా ఉంటుందని గతంలోనే ప్రకటించారు. ఈ సినిమాను కూడా అల్లు అరవిందే నిర్మిస్తారని తెలిసింది. అయితే దాన్ని పక్కన పెట్టి సడన్‌గా అల్లు అరవింద్‌, బోయపాటి కాంబినేషన్‌లో సినిమా అని చెబుతున్నారు. హీరో ఎవరు అనేది చెప్పకుండా సినిమా ఎనౌన్స్‌ చెయ్యడంలో మతలబు ఏమిటి? అనేది అందరి ప్రశ్న. అసలు బన్ని, త్రివిక్రమ్‌ కాంబినేషన్‌లో సినిమా ఉంటుందా లేదా అనే విషయంలో అభిమానులకు ఎలాంటి క్లారిటీ లేదు. ఇప్పుడు బోయపాటి సినిమాను అల్లు అరవింద్‌ తెరపైకి తీసుకు రావడానికి కారణం గుంటూరు కారం ఫలితమేనని తెలుస్తోంది. ఈ సినిమా రిలీజ్‌ అయ్యే వరకు చడీ చప్పుడు చేయని గీతా కాంపౌండ్‌, ఇప్పుడు బోయపాటి కాంబినేషన్‌లో బన్ని సినిమా అంటూ ఎనౌన్స్‌ చేశారు. 

సరైనోడు సినిమా తర్వాత బోయపాటి కాంబినేషన్‌లో అలాంటి ఓ పవర్‌ఫుల్‌ సినిమా కోసం అభిమానులు ఎంతగానో ఎదురుచూస్తున్నారు. అంతకుముందు త్రివిక్రమ్‌తో బన్నీ సినిమా అనుకున్నప్పటికీ గుంటూరుకారం చూసిన తర్వాత త్రివిక్రమ్‌ కథల్లో, మాటల్లో కొత్తదనం ఏమీ కనిపించడం లేదని, చేసిన సినిమాలనే మార్చి మార్చి చేస్తున్నాడని జనానికి కూడా అర్థమైంది. జనం ఇచ్చిన తీర్పును కాదని త్రివిక్రమ్‌తో బన్నీ సినిమా చేసే అవకాశం లేదు. ఎంతో యునీక్‌ సబ్జెక్ట్‌తో వెళితే తప్ప మళ్ళీ గురూజీతో బన్నీ సినిమా చేయడు అనేది సినీ వర్గాల్లో వినిపిస్తున్న మాట. త్రివిక్రమ్‌ని తమ కాంపౌండ్‌ నుంచి తప్పించేందుకే బోయపాటితో గీతా ఆర్ట్స్‌ సినిమా ఎనౌన్స్‌ చేసిందని అందరూ చెప్పుకుంటున్నారు.