3డి మూవీలో పవర్ స్టార్ పవన్ కళ్యాణ్ నటించనున్నాడని ఫిలిం నగర్ వర్గాలంటున్నాయి. వివరాల్లోకి వెళితే పవర్ స్టార్ పవన్ కళ్యాణ్ హీరోగా, ప్రముఖ కొరియోగ్రాఫర్ కమ్ డైరెక్టర్ రాజు సుందరం దర్శకత్వంలో ఒక సినిమా ప్రారంభం కావలసి ఉంది. ఈ చిత్రానికి "ఛత్రపతి" ప్రసాద్ అంటే బి.వి.యస్.యన్.ప్రసాద్ నిర్మాతగా వ్యవహరిస్తారు. అయితే దర్శకుడు రాజు సుందరం మనసులో ఒక కొత్త ఆలోచన ఉంది.

హాలీవుడ్ లోసూపర్ హిట్టయిన "హేంగోవర్" అనే సినిమాని తఎలుగులో తీయాలన్నదే ఆ ఆలోచన. ముగ్గురు స్నేహితులు బాగా మందుకొట్టిన తర్వాత చేసిన పనుల ఫలితమే "హేంగోవర్" చిత్ర కథ. ఈ చిత్రంలో ఈ ముగ్గురితో పాటు ఒక సింహం కూడా ముఖ్య పాత్ర పోషిస్తుంది. ఈ చిత్రం ఆద్యంతం వినోదాత్మకంగా ఉంటుంది. అయితే ఈ చిత్రాన్నే తెలుగులో 3డి లో, పవన్ కళ్యాణ్ హీరోగా తీయాలని రాజు సుందరం ప్రయత్నిస్తున్నాడట.