నటసింహం నందమూరి బాలకృష్ణ తనయుడు మోక్షజ్ఞ సినీ రంగ ప్రవేశానికి సిద్ధమవుతున్న సంగతి తెలిసిందే. తన రీసెంట్ పిక్స్ తో అందరినీ ఆకట్టుకున్నాడు. మోక్షజ్ఞ డెబ్యూ కోసం నందమూరి అభిమానులతో పాటు సినీ ప్రియులంతా ఎంతగానో ఎదురుచూస్తున్నారు. అయితే ఈ ఏడాదే మోక్షజ్ఞ ఎంట్రీ ఉంటుందని తెలుస్తోంది. ఈ క్రేజీ ప్రాజెక్ట్ కి 'హనుమాన్' ఫేమ్ ప్రశాంత్ వర్మ దర్శకత్వం వహించనున్నాడని, మోక్షజ్ఞ పుట్టినరోజు సందర్భంగా సెప్టెంబర్ 6న లాంచ్ చేయనున్నారని న్యూస్ వినిపిస్తోంది. అంతేకాదు ఈ మూవీలో హీరోయిన్ కూడా లాక్ అయిందని తెలుస్తోంది.

'భగవంత కేసరి' సినిమాలో బాలకృష్ణకు కూతురు తరహా లాంటి పాత్రలో శ్రీలీల అలరించిన సంగతి తెలిసిందే. ఆ సమయంలోనే మోక్షజ్ఞ మొదటి సినిమాలో హీరోయిన్ గా శ్రీలీల నటిస్తే బాగుంటుందని అభిమానులు అభిప్రాయపడ్డారు. అయితే ఫ్యాన్స్ కోరుకున్నట్టుగానే.. మోక్షజ్ఞ డెబ్యూ మూవీలో హీరోయిన్ గా శ్రీలీలను లాక్ చేసినట్లు సమాచారం.