Home  
Politics

విజయవాడలో శోభన్‌బాబు కాంస్యవిగ్రహం

  విజయవాడలోని గాంధీనగర్ సెంటర్లో దివంగత నటుడు శోభన్‌బాబు విగ్రహాన్ని ఏర్పాటు చేశారు. శోభన్‌బాబు అభిమాన సంఘం ఆధ్వర్యంలో ఏర్పాటు చేసిన ఈ విగ్రహాన్ని ఎంపీ మురళీమోహన్, మంత్రి దేవినేని ఉమామహేశ్వరరావు కలసి ఆవిష్కరించారు. ఈ సందర్భంగా శోభన్‌బాబుతో తనకున్న అనుబంధాన్ని మురళీమోహన్ గుర్తు చేసుకున్నారు. శోభన్‌బాబు సినిమాల్లో నటించడం మానేసినా, ఆయన మరణించినా ఆయన అభిమానులు ఆయనను మరచిపోలేరని మురళీమోహన్ చెప్పారు. నటుడిగా ఎంతో క్రమశిక్షణ కలిగిన శోభన్‌బాబును చూసి ఈ తరంవారు నేర్చుకోవలసిన విషయాలు ఎన్నో వున్నాయని ఆయన అన్నారు.

గోడమీద వార్తలు

ఈవారం గోడమీద వార్తలు ఒకసారి చూసి ఆనందించాలంటే ఈ వీడియో చూడండి.  

ఒక నెల... 289 మంది...

  ఆఫ్ఘనిస్తాన్‌లోని కుందుజ్ పట్టణం మీద తాలిబన్లు, అమెరికా సైనికులు జరిపిన దాడిలో కేవలం ఈ ఏడాది సెప్టెంబర్ నెలలోనే 289 మంది పౌరులు మరణించారని ఐక్యరాజ్యసమితి వెల్లడించింది. యునైటెడ్ నేషన్స్ అసిస్టెన్స్ మిషన్ ఇన్ ఆఫ్ఘనిస్తాన్ విడుదల చేసిన నివేదిక ప్రకారం... తాలిబన్లు, వారిని అణచివేయడానికి అమెరికా వైమానిక దళాలు జరిపిన దాడుల్లో మొత్తం 289 మంది మరణించారు. 559 మంది తీవ్రంగా గాయపడ్డారు. అక్టోబర్, నవంబర్ నెలల్లో జరిగిన మరణాల సంఖ్య ఇంకా ఎక్కువగా వుండొచ్చు. కుందుజ్‌లో జరుగుతున్న దాడుల వల్ల అక్కడి నుంచి వేలాది కుటుంబాలు వలస వెళ్ళిపోతున్నాయి.

రేపిస్టుని లేపేసింది

  రేపిస్టులకి మరణ దండన విధించడం న్యాయమని చాలామంది అంటూ వుంటారు. అందుకేనేమో తనను రేప్ చేసిన వ్యక్తిని కోర్టు వరకూ తీసుకెళ్ళడం ఎందుకులే అనుకుందా మహిళ... తనను రేప్ చేసిన వ్యక్తిని తానే చంపేసింది. ఈ ఘటన జార్ఖండ్ రాష్ట్రంలోని రాంచీలో జరిగింది. రాంచీలో నివసించే ఒక ఒంటరి మహిళ మీద మనోజ్ కుమార్ అనే కాముకుడు కన్నేశాడు. ఆమెని లోబరుచుకోవడానికి శతవిధాలా ప్రయత్నించాడు. ఆమె లొంగకపోవడంతో ఆమె మీద అత్యాచారానికి పాల్పడ్డాడు. ఆ దారుణానికి గురైన ఆ మహిళ ఏడుస్తూ కూర్చోలేదు. అక్కడే వున్న సుత్తిని తీసుకుని మనోజ్ కుమార్ తలమీద కొట్టింది. దాంతో ఆ కాముకుడు అక్కడికక్కడే మరణించాడు.

చెన్నై కి పారిస్ సాయం..

చెన్నైలో భారీ వర్షాల కారణంగా ఎంతో మంది నిరాశ్రయులు అయ్యారు. ఎంతో మంది ప్రాణాలు కోల్పోయారు. వర్షాల కారణంగా అతలాకుతలమైన చెన్నైని రాష్ట్ర ప్రభుత్వంతో పాటు పక్క రాష్ట్రాలు కూడా తమవంతు సాయం అందిస్తున్నాయి. ఇప్పుడు ఒక్క రాష్ట్రంలే కాదు దేశాలు సైతం ముందుకొస్తున్నాయి. ఒకపక్క ఉగ్రవాదుల దాడి జరిగి.. ఎంతో మంది ప్రాణాలు కోల్పోయి.. ఇప్పటికీ ఆ భయం నుండి ప్రజలు భయటకి రాకముందే చెన్నైకి సాయం చేయడానికి పారిస్ ముందుకొచ్చింది. ఎక్కడో ఉన్నో చెన్నైకి పారిస్ సాయం అందిచడమేంటి అనుకుంటున్నారా.. వినడానికి ఆశ్చర్యంగా ఉన్నా ఇది నిజం.. చెన్నై వాసులను ఆదుకోవడానికి వారు ఆన్ లైన్ ఫండ్ రైజింగ్ చేస్తున్నారు. షేర్ ఫర్ చెన్నై పేరిట విరాళాలు సేకరిస్తున్నారట. అంతేకాదు చెన్నై వాసులకు పారిస్ వాళ్లు భోజనం కూడా త్యాగం చేస్తున్నారట.

రెండు రోజుల్లో చెబుతా.. విజయరామరావు

టీడీపీ మాజీ మంత్రి విజయరామారావు నిన్న టీడీపీ కి రాజీనామా చేసిన సంగతి తెలిసిందే. ఫ్యాక్స్ ద్వారా విజయరామారావు తన రాజీనామా పత్రాన్ని టీడీపీ నేతలకు అందజేశారు. అయితే ఇప్పుడు విజయరామారావు పార్టీ మారుతారా లేదా అన్నదానిపై సందేహాలు మొదలవుతున్నాయి. ఇప్పటికే దీనికి సంబంధించి విజయరామారావు మాట్లాడుతూ.. నిన్ననే టీడీపీకి రాజీనామాచేశాను.. టీఆర్ఎస్ లో చేరమని నన్ను ఆహ్వానించారని.. టీఆర్ఎస్ లో చేరేది లేనిది  రెండు రోజుల్లో చెబుతానని చెప్పారు. అయితే మరోవైపు పార్టీ అధినేత చంద్రబాబు విజయరామారావుకి ఫోన్ చేశారని.. పార్టీ మార్పుపై ఆలోచించుకోవాలని చెప్పినట్టు దీంతో విజయరామారావు సందిగ్ధంలో పడినట్టు రాజకీయవర్గాలు చర్చించుకుంటున్నాయి. మరి రెండు రోజుల తరువాత విజయరామారావు ఏం నిర్ణయం తీసుకుంటారో చూడాలి.

నా భార్యనే నన్ను కామెంట్ చేస్తుంది.. వెంకయ్య

కేంద్రమంత్రి వెంకయ్యనాయుడు పంచ్ డైలాగ్లు వేయడంలో దిట్ట. ప్రతిపక్షాలపై.. విమర్శలు చేయాలన్నా.. వాళ్లపై పంచ్ డైలాగ్స్ వేయాలన్నా ఆయనకు ఆయనే సాటి. అలాంటి ఆయనపై ఆమె భార్యనే పంచ్ డైలాగ్స్ వేసిందట. సాదారణంగా రాజకీయ నాయకులకు కుటుంబసభులతో కలిసి గడిపే సమయం ఉండదు.. ఇక కేంద్రమంత్రులకైతే చెప్పక్కర్లేదు.. అందునా నాలుగు దశాబ్ధాలుగా రాజకీయాల్లో ఉన్న రాజకీయ ఉద్దండుడు వెంకయ్య.. మరి అలాంటి వెంకయ్యకు ఇంటికి వెళ్లే తీరిక ఉంటుందా.. ఎప్పుడో ఒకసారి కాని వెళ్లే అవకాశం ఉండదు. ఈ నేపథ్యంలోనే వెంకయ్యపై ఆమె భార్య పంచ్ డైలాగ్ వేసిందట. ఈ విషయాన్ని స్వయంగా వెంకయ్యనే తెలిపారు. నరసారావుపేటలో జరుగుతున్న మున్సిపాలిటీ ఉత్సవాల్లో పాల్గొన్న ఆయన మాట్లాడుతూ కన్నతల్లిని మాతృభాషను, జన్మనిచ్చిన ఊరును మరచినవాడు మనిషే కాదని తాను నమ్ముతానని వెంకయ్యనాయుడు వ్యాఖ్యానించారు. కానీ రాజకీయ నాయకుడిగా ఉన్న కారణంగా దేశం మొత్తం తిరగాల్సి ఉంటుంది.. అందుకే ఇంటికి కూడా సరిగా వెళ్లలేని పరిస్థితి.. నా భార్య కూడా `అప్పడప్పుడు మా ఇంటికి కూడా వస్తుంటారని అంటుంటుంద`ని చెప్పారు.

టీఆర్ఎస్ పై ఎర్రబెల్లి ఫైర్.. సంతలో పశువుల్ని కొన్నట్టు కొంటున్నారు..

టీ టీడీపీ నేత ఎర్రబెల్లి దయాకర్ రావు టీఆర్ఎస్ నేత కేసీఆర్ పై తీవ్రస్థాయిలో మండిపడ్డారు. టీఆర్ఎస్ ఆపరేషన్ ఆకర్ష్ ను అడ్డంపెట్టుకొని నేతలను సంతలో పశువులను కొంటున్నట్టు కొంటున్నారని విమర్శించారు. అంతేకాదు మంత్రులే బ్రోకర్ లా మారి నేతలను పార్టీల్లోకి లాక్కుంటున్నారని ఎద్దేవ చేశారు. జరగబోయే ఎమ్మెల్సీ ఎన్నికల్లో పోటీ చేసే అభ్యర్ధులను సైతం కేసీఆర్ కొన్నారని.. అందుకే  వరంగల్, కరీంనగర్, ఆదిలాబాద్, నిజామాబాద్, మెదక్ జిల్లాల్లో ఎమ్మెల్సీ స్థానాలు గెలుచుకుంది.. అని వ్యాఖ్యానించారు. అంతేకాదు త్వరలో జీహెచ్ఎంసీ ఎన్నికలు జరుగనున్నాయి.. అందుకే ఇప్పుడు కేసీఆర్ ప్రభుత్వం డబుల్ బెడ్ రూం ఇళ్లు అంటూ హడావుడి చేస్తున్నారని అన్నారు. కాగా స్థానిక సంస్ధల ఎన్నికల్లో భాగంగా రంగారెడ్డి, మహబూబ్‌నగర్‌లో టీడీపీ అభ్యర్ధులు బరిలోకి దిగుతున్నారని ఆయన చెప్పారు. మరోవైపు మాజీ మంత్రి విజయరామారావు నిన్న టీడీపీకి రాజీనామా చేసిన సంగతి తెలిసిందే. ఈయన టీఆర్ఎస్ లో చేరుతున్నట్టు వార్తలు కూడా వచ్చాయి. అయితే చంద్రబాబే స్వయంగా విజయరామారావుకి ఫోన్ చేసి పార్టీ మార్పుపై ఇంకోసారి ఆలోచించుకోమని.. తొందరపడి ఎలాంటి నిర్ణయం తీసుకోవద్దని చెప్పడంతో విజయరావారావు సందిగ్ధంలో ఉన్నారు. అయితే ఇప్పుడు విజయరామారావు టీడీపీలోనే కొనసాగుతారని చెప్పారు. కానీ అధికారికంగా తెలియాల్సి ఉంది.

విజయరామారావుకి చంద్రబాబు ఫోన్..సందిగ్ధంలో విజయరామారావు..

టీఆర్ఎస్ ఆపరేషన్ ఆకర్ష్ లో భాగంగా ఇప్పటికే చాలామంది ఆపార్టీలోకి చేరారు. ఇప్పుడు తెలంగాణ టీడీపీ నేత విజయరామారావు  కూడా టీఆర్ఎస్ ఆపరేషన్ ఆకర్ష్ కు పడిపోయాడని.. టీఆర్ఎస్ లో చేరుతున్నారని.. కేసీఆర్ తనయుడు కేటీఆర్ స్వయంగా ఆయన ఇంటికి వెళ్లి గులాబి కుండువా కప్పబోతున్నారని వార్తలు వస్తున్నాయి. దీనిలో భాగంగానే నిన్న ఆయన పార్టీకి రాజీనామా చేశారని రాజకీయవర్గాలు చర్చించుకుంటున్నాయి. అయితే విజయరామారావు పార్టీకి రాజీనామాచేయడంతో.. పార్టీ అధినేత చంద్రబాబు రంగంలోకి దిగినట్టు తెలుస్తోంది. చంద్రబాబే స్వయంగా విజయరామారావుకి ఫోన్ చేసి పార్టీ మారే విషయంలో ఆలోచించుకోమని.. తొందరపడి నిర్ణయం తీసుకోవద్దని సూచించారట. ఇక చంద్రబాబే స్వయంగా ఫోన్ చేసి చెప్పేసరికి విజయరామారావు కూడా సందిగ్దంలో పడిపోయారంట.

12 ఎమ్మెల్సీ స్థానాలు.. 6 కైవసం చేసుకున్న టీఆర్ఎస్

తెలంగాణలో 12 ఎమ్మెల్సీ స్థానాలకు గాను పోటీ జరుగుతున్న సంగతి తెలిసిందే. ఈ నేపథ్యంలో గత రెండురోజులకు గాను నాలుగు ఎమ్మెల్సీ స్ఠానాలను కైవసం చేసుకుంది టీఆర్ఎస్. ఇప్పుడు కరీంనగర్ ఎమ్మెల్సీ స్థానాలను సైతం తన ఖాతాలో వేసుకుంది. కరీంనగర్ లో రెండు ఎమ్మెల్సీ స్థానాలకు గాను నారదాసు లక్ష్మణరావు, భానుప్రసాద్ రావు ఏకగ్రీవంగా ఎన్నికయ్యారు. నామినేషన్లు వేసిన ఇద్దరు స్వతంత్ర అభ్యర్ధులు ఉపసంహరించుకోవడంతో టీఆర్ఎస్ ఈ స్థానాలను సొంతం చేసుకుంది. కాగా ఆదిలాబాద్ టీఆర్ఎస్ ఎమ్మెల్సీగా పురాణం సతీష్, మెదక్ ఎమ్మెల్సీ స్థానానికి భూపాల్ రెడ్డి, వరంగల్ ఎమ్మెల్సీ స్థానానికి గాను కొండా మురళీ, నిజామాబాద్ ఎమ్మెల్సీ స్థానం కూడా సొంతం చేసుకున్నారు. మొత్తానికి 12 ఎమ్మెల్సీ స్థానాల్లో ఆరు ఎమ్మెల్సీ స్థానాలు టీఆర్ఎస్ కైవసం చేసుకుని ప్రతిపక్షాలకు చెమటలు పటిస్తుంది. ఇక మిగిలిన ఆరు స్థానాల్లో ఎన్ని టీఆర్ఎస్ కి వస్తాయో.. ఎన్ని ప్రతిపక్ష పార్టీలకు వెళతాయో చూడాలి.

కేసీఆర్ విజయవాడ షెడ్యూల్.. స్వకార్యం.. స్వామికార్యం..

తెలంగాణ ముఖ్యమంత్రి కేసీఆర్ రెండోసారి విజయవాడలో అడుగుపెట్టనున్నారు. దక్షిణ రాష్ట్రాల మండలి సమావేశం నేపథ్యంలో ఆయన విజయవాడ రానున్నారు. మొదట ఈ సమావేశానికి రావాలా.. వద్దా అని ఆలోచించిన కేసీఆర్.. సీఎంల కమిటీకి వైస్ చైర్మన్ హోదాలో ఉన్నందున వెళ్లాలని డిసైడయ్యారు. అయితే కేసీఆర్ విజయవాడకు రావడం వల్ల ఈ సమావేశానికి మాత్రమే కాదు తన వ్యక్తిగత పనులకు కూడా ఉపయోగపడుతుందని షెడ్యూల్ ఫిక్స్ చేసుకున్నారంట. విజయవాడ వచ్చి మొదట సమావేశంలో పాల్గొని ఆతరువాత.. తను అత్యంత ప్రతిష్టాత్మకంగా నిర్వహిస్తున్న ఆయుత చండీయాగానికి చంద్రబాబు ను ఆహ్వానించడం.. అనంతరం తెలంగాణ రాష్ర్టం సిద్ధిస్తే చెల్లించుకుంటానన్న మొక్కులను చెల్లించుకోవడం.. తదితర స్వకార్యాలకు టూర్ ఫిక్స్ చేసుకున్నారు. మొత్తానికి ఒకే దెబ్బకు రెండు పిట్టలు అన్న నేపథ్యంలో.. ఒకే టూర్లో తన స్వకార్యాలు.. స్వామికార్యాలు పూర్తి చేసుకోనున్నారు.

నరసారావు పేట చిన్నదే.. మనసు పెద్దది.. వెంకయ్య

నరసారావు పేట మున్సిపాలిటీ శతాబ్ధి ఉత్సవాలు రెండో రోజు వైభజంగా ప్రారంభమయ్యాయి. ఈ కార్యక్రమానికి కేంద్రమంత్రి వెంకయ్యనాయుడు, స్పీకర్ కోడెల, ఎంపీ రాయపాటి, మంత్రి కామినేని. ఇతర స్థానిక ప్రజాప్రతినిధులు, కార్యకర్తలు హాజరయ్యారు. ఈ సందర్భంగా వెంకయ్యనాయుడు.. రైల్వే అండర్ బ్రిడ్జ్, అండర్ గ్రౌండ్ డ్రైనేజీ, డబుల్ బెడ్ రూం ఇళ్లకు శంకుస్థాపన చేశారు. వెంకయ్య మాట్లాడుతూ పల్నాటి పౌరుషానికి నరసారావుపేట ప్రతీక అని.. స్వాతంత్రోద్యమంలో నరసారావుది కీలక పాత్ర అని వ్యాఖ్యానించారు. నరసారావు పేట చిన్నదే.. కాని మనసు పెద్దదని.. గొప్ప సంస్కృతి.. సంప్రదాయాలు ఉన్న నగరం నరసారావు పేట అని కొనియాడారు.

షబ్బీర్ అలీకి బెదిరింపు కాల్స్ వస్తున్నాయి.. జానారెడ్డి

తెలంగాణ కాంగ్రెస్ సీనియర్ నేత జానారెడ్డి టీఆర్ఎస్ పై తీవ్ర స్థాయిలో మండిపడ్డారు. షబ్బీర్ అలీకి బెదిరింపు కాల్స్ వస్తున్నాయి..టీఆర్ఎస్ పై ఎక్కువగా మాట్లాడుతున్నారు. మీమ్మల్ని లేపేస్తామంటు హెచ్చరిస్తున్నారు అని అన్నారు. దీన్ని ప్రజాస్వామ్య వాదులు ఖడించాలి.. ప్రజాస్వామ్యాన్ని ఖూనీ చేసేలా టీఆర్ఎస్ వ్యవహారం ఉందని జానా ధ్వజమెత్తారు. అధికారంలోకి వచ్చినప్పటినుండి టీఆర్ఎస్ పార్టీ ఫిరాయింపులను ప్రోత్సహిస్తుంది.. రాజ్యాంగ ఉల్లంఘనకు పాల్పడుతూ నీచ రాజకీయాలకు పాల్పడుతుందని ఆగ్రహం వ్యక్తం చేశారు.

చంద్రబాబుపై నోరు జారిన ఈశ్వరి.. అరెస్ట కు రంగం సిద్దం..

విశాఖ ఏజెన్నీ ప్రాంతంలో బాక్సైట్ తవ్వకాలకు వ్యతిరేకంగా జగన్ ఆధ్వర్యంలో చింతపల్లిలో బహిరంగ సభ నిర్వహించిన సంగతి తెలిసిందే. ఈసందర్భంగా ఎప్పటిలాగానే జగన్ ఏపీ ప్రభుత్వంపై విమర్శల బాణాలు వదిలారు. అయితే ఇదే సభకు పాడేరు ఎమ్మెల్యే గిడ్డి ఈశ్వరి కూడా హాజరయ్యారు. ఇక తన వంతు రాగానే మాట్లాడతూ.. అధికార పార్టీపై విమర్శలకు దిగారు.. కానీ అక్కడితో ఆగకుండా ఏపీ ముఖ్యమంత్రి అయిన చంద్రబాబును పట్టుకొని.. బాక్సైట్ తవ్వకాలకు అంటూ వస్తే మాత్రం చంద్రబాబు తల నరుకుతూ.. బాణాలతో చంపుతా అంటూ నోరు జారింది. అంతే ఒక రాష్ట్రానికి ముఖ్యమంత్రి అయిన చంద్రబాబును అలా అంటుందా అని టీడీపీ నేతలు ఆమెపై మండిపడుతున్నారు. దీంతో పోలీసులు ఆమెపై కేసు నమోదు చేసి.. అరెస్ట్ కు రంగం సిద్ధం చేశారు. మధ్యాహ్నానికి ఈశ్వరిపై చర్యలు తీసుకునే అవకాశం ఉన్నట్టు తెలుస్తోంది. ఏది ఏమైనా ముఖ్యమంత్రి స్థాయి వ్యక్తిని అలా సంబోదించడం సమంజసం కాదని పలువురు అభిప్రాయపడుతున్నారు.

చెన్నై.. మళ్లీ రిపీట్ అవుద్దీ..ఐకాస

ఇప్పటికే భారీ వర్షాల కారణంగా చెన్నై కోలుకోలేని పరిస్థితి ఏర్పడింది. గత వందేళ్లలో ఎప్పుడు లేని విధంగా సగటున 50 సెం.మీ వర్షంతో చెన్నై రికార్డు సృష్టించింది. అయితే మళ్లీ ఇలాంటి వర్షాలు తప్పవని హెచ్చరిస్తుంది ఐక్యరాజ్యసమితి. ఈ వర్షాలకు కారణం ఎల్ నినో అని.. దీంతో రానున్న రోజుల్లో చెన్నైలో మళ్లీ రావడం ఖాయమని.. ఒక్క చెన్నైలోనే కాకుండా.. ఇండోనేషియా.. కొలంబియా.. ఫిలిప్పీన్.. థాయ్ లాండ్ పై ఎల్ నినో ప్రబావం భారీగా ఉందని.. దీనివల్ల ఆప్రాంతాల్లో కూడా వరదలు ఖాయమని హెచ్చరిస్తోంది. అంతేకాదు శ్రీలంకలో కూడా ఈ వర్షాలు పడే అవకాశం ఉన్నట్టు చెబుతున్నారు. మొత్తానికి రానున్న రోజుల్లో చెన్నైకి మళ్లీ కష్టాలు తప్పవని తెలుస్తోంది. అలా కాకుండా ఉండాలంటే ఇప్పటినుండే జాగ్రత్తలు తీసుకోవడం చాలా మంచిది.

కాసేపట్లో దక్షిణాది రాష్ట్రాల మండలి సమావేశం..

విజయవాడలో దక్షిణాది రాష్ట్రాల మండలి సమావేశం జరగనుంది. కేంద్రమంత్రి రాజ్ నాథ్ సింగ్ అధ్యక్షతన సమావేశం జరగనున్నట్టు తెలుస్తోంది. ఐదు రాష్ట్రాల నుండి ప్రజా ప్రతినిధులు ఈ సమావేశానికి హాజరుకానున్నారు. తెలంగాణ నుండి హోం మంత్రి నాయిని నర్సింహారెడ్డి, సీఎస్ రాజీవ్ శర్మ హాజరయ్యారు. కాగా పేదరిక నిర్మూలన, పర్యావరణ పరిరక్షణ, గ్రామీణాభివృద్ధి, కొత్తపన్నుల విధానం, పర్యాటకం, నక్సలిజం వంటి వాటిపై ప్రధాన చర్చ జరగనుంది. ఈ సందర్భంగా నాయిని మాట్లాడుతూ మొదటి సారి అమరావతికి రావడం చాలా సంతోషంగా ఉందని..రాష్ట్రాలు విడిపోయినా ప్రజలంతా కలిసి ఉండాలని అన్నారు. అంతేకాదు సమావేశంలో రాష్ట్రాల సమస్యలపై చర్చిస్తామని తెలిపారు. మా రాష్ట్రాల సమస్యలు గురించి లేవనెత్తుతాం.. అన్ని రాష్ట్రాలను కలుపుకొని సమస్యల పరిష్కారానికి కృషిం చేస్తామని అన్నారు.

పోలవరం ఎమ్మెల్యేపై చంద్రబాబు ఫైర్.. చోద్యం చూస్తున్నారా..?

ఏపీ సీఎం చంద్రబాబు పనిలో నిర్లక్ష్యం చూపిస్తే అస్సలు సహించరు.. వారిపై సీరియస్ గా క్లాస్ తీసుకుంటారని ఇప్పటికే చాలాసార్లు చూశాం. ఇప్పుడు తాజాగా పోలవరం ఎమ్మెల్యే కూడా చంద్రబాబుతో క్లాస్ పీకించుకున్నారు. చంద్రబాబు ఎంతో ప్రతిష్టాత్మకంగా చేపడుతున్నపోలవరం ప్రాజెక్టు పురోగతి పనుల్లో ఎమ్మెల్యే మొడియం శ్రీనివాసరావు సరిగా ఆసక్తి చూపించడం లేదని.. ముంపు ప్రాంతాల గ్రామాలను ప్రజలను ఒప్పించడంలో ఎలాంటి చొరవ చూపించడంలేదని పార్టీ నేతలే చంద్రబాబుకు ఫిర్యాదు చేశారంట. మరోవైపు వైసీపీ నేతలు ముంపు ప్రాంతాల ప్రజలను రెచ్చగొడుతుంటే.. శ్రీనివాసరావు మాత్రం ఏం పట్టనట్టు చోద్యం చూస్తున్నారని చంద్రబాబుకు చెప్పారంట. దీంతో చంద్రబాబు శ్రీనివాసరావును దీంతో… మనం ప్రభుత్వం ప్రతిప్టాత్మకంగా తీసుకున్న పోలవరం ప్రాజెక్టు పురోగతిలో నీ పాత్ర ఎందుకు ఉండటం లేదని టీడీపీ అధినేత పోలవరం ఎమ్మెల్యేకు ఫుల్లుగా క్లాస్ తీసుకున్నారట. ఇప్పటికీ నాలుగు గ్రామాల ప్రజలు ఖాళీ చేశారు.. ఇంకా మూడు గ్రామాల ప్రజలు ఖాళీ చేయాలి.. వాళ్లకు నచ్చజెప్పి వేరే ఊళ్లకు పంపే బాధ్యత నీదే అని ఆదేశించారంట. అలా చేయకపోతే రాజకీయ భవిష్యత్ కు ఇబ్బందులుంటాయని హెచ్చరించారట. మరి ఇప్పటికైనా ఎమ్మెల్యే సీరియస్ గా  పని చేస్తారో లేదో చూడాలి. 

జనవరి 23న జి.హెచ్.ఎం.సి. ఎన్నికలు

  జి.హెచ్.ఎం.సి. ఎన్నికలకు ముహూర్తం ఖరారు అయింది. వచ్చే నెల 23వ తేదీన ఎన్నికలు నిర్వహించబోతున్నారు. జంట నగరాలలో నివసిస్తున్న ఆంధ్రా ప్రజలు చాలామంది సంక్రాంతి పండుగకు తమ తమ స్వస్థలాలకు వెళ్లి వస్తుంటారు. అలాగే కొన్ని వేల మంది శబరిమలై వెళ్లివస్తుంటారు. వారందరూ జి.హెచ్.ఎం.సి. ఎన్నికలలో తమ ఓటు హక్కు వినియోగించుకొనేందుకు వీలుగా జనవరి 23న ఎన్నికలు నిర్వహించాలని అధికారులు నిర్ణయించారు. ఈ ఎన్నికల కోసం జనవరి 7వ తేదీలోగా ఎన్నికల షెడ్యూల్ ప్రకటించే అవకాశం ఉంది.   జి.హెచ్.ఎం.సి. పరిధిలో గల 150 వార్డులలో రిజర్వేషన్ ప్రక్రియ కూడా పూర్తి అవడంతో తెలంగాణా ప్రభుత్వం నోటిఫికేషన్ జారీ చేసింది. మొత్తం 150 సీట్లలో జనరల్-44, అన్-రిజర్వుడ్-44, బీసీలకు- 50, ఎస్టీలకు-2, ఎస్సీలకు-10 సీట్లను కేటాయించింది. అన్ని కోటాలలో సగం సీట్లు మహిళకు రిజర్వు చేసారు. అంటే ఈసారి జి.హెచ్.ఎం.సి. బోర్డులో సగం మంది మహిళలు ఉంటారన్న మాట.

జగన్ ఆలోచించి మాట్లాడితే మంచిది.. డొక్కా

వైకాపా అధినేత జగన్మోహన్ రెడ్డి తాను కనుక అధికారంలోకి వస్తే రాష్ట్రంలో మద్యపానం నిషేదం విధిస్తామని చెప్పిన సంగతి తెలిసిందే. అయితే జగన్ చేసిన వ్యాఖ్యలపై ఇప్పుడు అందరూ విమర్శల బాణాలు వదులుతున్నారు. ఇప్పటికే చాలామంది సొంత పార్టీలోకి లిక్కర్ బిజినెస్ చేసే వాళ్లను పెట్టుకొని జగన్ ఇలా వ్యాఖ్యానించడం చాలా హాస్యాస్పదంగా ఉందని అంటున్నారు. ఇప్పుడు డొక్కా మాణిక్య వరప్రసాద్ కూడా జగన్ పై మండిపడ్డారు. ఏపీ లో మద్యం నిషేదిస్తానని జగన్ మాట్లాడిన మాటలు అవగాహన లేకుండా మాట్లాడినట్టు ఉందని అన్నారు. గతంలో మద్యం నిషేదిస్తే ఎలాంటి పరిణామాలు జరిగాయో అవన్నీ తెలుసుకొని మాట్లాడాలని.. ఏపీలో మద్యపాన నిషేదం అంతా ఈజీ కాదని అన్నారు. అందునా దొంగ చాటుగా మందు సరఫరా చేసే ముఠాలు పెరిగిపోయాయి.. జనాలు కూడా నిషేదం విధించారు కదా అని తాగకుండా మానుకోవడంలేదు.. వంద కిలోమీటర్లు దూరం ఉన్నా వెళ్లి మరీ తాగి వస్తారని ఎద్దేవ చేశారు. జగన్ అన్నీ తెలుసుకొని మాట్లాడితే మంచిదని.. నోటికి ఏది వస్తే అది మాట్లాడితే మంచిది కాదని విమర్శించారు.