స్టార్ మా టీవీలో ప్రసారమవుతున్న సీరియల్ ' ఎటో వెళ్లిపోయింది మనసు'(Eto Vellipoyindhi Manasu).ఈ సీరియల్ శనివారం నాటి ఎపిసోడ్ -285 లో....శ్రీలత సందీప్ లు కలిసి మాట్లాడుకుంటారు. రామలక్ష్మి, సీతాకాంత్ లని చంపేయడానికి రౌడీకి కాల్ చేసా ఇంకా రావడం లేదని ఇద్దరు మాట్లాడుకుంటారు. అప్పుడే ధన వచ్చి.. ఎవరిని చంపాలి అంటున్నారని అనగానే సందీప్ కవర్ చేస్తాడు. నేను చెప్పినట్టు విను అప్పుడే ఆస్తులు మనకి వస్తాయి. అటు అక్క.. ఇటు మేము అంటూ మధ్యలో ఉండకని శ్రీలత అనగానే నేను మీ వైపే అని ధన అంటాడు.

ఆ తర్వాత ధన ఒంటరిగా కూర్చొని రామలక్ష్మి తన కోసం చేసిన పనులు గుర్తుచేసుకొని.. మా అక్కకి ఇలా అన్యాయం చెయ్యడం కరెక్ట్ కాదు అనుకుంటాడు కానీ మళ్ళీ తను తిట్టిన సంఘటన గుర్తుచేసుకొని నన్ను తమ్ముడు అని కూడా చూడకుండా తిట్టిందని అలా చెయ్యడంలో తప్పు లేదని అనుకుంటాడు. ఆ తర్వాత అక్కడ ఇద్దరు ముసలివాళ్లు ప్రేమగా మాట్లాడుకోవడం చూసి సీతాకాంత్ హ్యాపీగా ఫీల్ అవుతాడు. అప్పుడే రామలక్ష్మి వస్తుంది. వాళ్ళు ఎలా ప్రేమగా ఉన్నారు చూడమంటూ వాళ్ళ గురించి రామలక్ష్మితో సీతాకాంత్ మాట్లాడతాడు. ఆ తర్వాత రౌడీకి సందీప్ ఫోన్ చేసి ఇంకడప్పుడు వస్తావ్.. సీతాకాంత్, రామలక్ష్మిని త్వరగా చంపెయ్ అని సందీప్ మాట్లాడుతుంటే.. పెద్దాయన వింటాడు. ఆ తర్వాత ఫోన్ కట్ చేసీ వెనక్కి చూడగానే పెద్దాయన కోప్పడ్తాడు. ఏదో కవర్ చేస్తుంటాడు కానీ పెద్దాయన నమ్మడు. అప్పుడే ధన వస్తాడు. మీ అక్కాబావలని చంపాలి అనుకుంటున్నావని పెద్దాయన అనగానే.. తప్పేముంది ఆస్తులు కావాలంటే తప్పదని ధన అనగానే.. పెద్దాయన షాక్ అవుతాడు.

ఆ తర్వాత పెద్దాయన తల పైన కొడుతాడు సందీప్. అది సీతాకాంత్ దూరం నుండి చూస్తాడు. అప్పుడే శ్రీలత వచ్చి ఎవరికి తెలియకుండా చేయమంటే ఇలా అందరికి తెలిసేలా చేస్తున్నావంటూ సందీప్ ని కొడుతుంది. అంటే నువ్వు వాళ్ళతో కలిసిపోయావా అని పెద్దాయన అనగానే.. మరి ఏం చెయ్యమంటారు.. నా కొడుకు నేను సంతోషంగా ఉండాలంటే ఆస్తులు కావాలి. అలా అయితే సీతా, రామలక్ష్మిలు ఉండకూడదని శ్రీలత అంటుంది. వీడి సంగతి తర్వాత చూద్దాం.. గదిలో ఉంచండి. మన పని అయ్యాక వద్దామని శ్రీలత అంటుంది. ఆ మాటలని విన్న సీతాకాంత్ మనసు ముక్కలు అవుతుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.