బుల్లితెర మీద రకరకాల షోస్ ఆడియన్స్ ని అస్సలు ఖాళీ లేకుండా ఎంటర్టైన్ చేసేస్తున్నాయి. అసలే పండగల సీజన్. పండగలను, స్పెషల్ డేస్ ని టార్గెట్ చేస్తూ వాటి నేపథ్యంలో చాలా కామెడీ షోస్ ని రూపొందిస్తున్నారు యాజమాన్యాలు. ఐతే ఇప్పుడు జీ తెలుగులో బోనాల జాతర స్పెషల్ ఈవెంట్ ఫుల్ మస్తీ చేసింది. ఈ షోకి శ్రీముఖి హోస్ట్ గా చేసేసింది. ఇక ఈ షోకి జీ తెలుగు, స్టార్ మా సీరియల్ యాక్టర్స్ ఎంటర్టైన్ చేయడానికి విచ్చేసారు. అలా ఈ షోకి గెస్టులుగా వచ్చిన అందరినీ జాతర అంటే ఏమిటి అంటూ అడుగుతుంది శ్రీముఖి. యాక్టర్ హరితని ఇదే ప్రశ్న వేస్తుంది శ్రీముఖి. జీ తెలుగుకు వచ్చినప్పుడల్లా జాతరలానే ఉంటుందని తెలివిగా సమాధానం ఇస్తుంది హరిత. తర్వాత చెల్లెలి కాపురం యాక్టర్ పౌర్ణమి అలియాస్ హారిక వచ్చేసరికి సేమ్ క్వశ్చన్ వేస్తుంది శ్రీముఖి. హారిక తన భర్తతో కలిసి ఈ షోకి వచ్చింది. అసలు జాతర అంటే ఏమిటి ? నీకు ఏం గుర్తుకొస్తుంది అని శ్రీముఖి అడుగుతుంది. దీంతో హారిక "నాకు ఇంట్లో ప్రతీ రోజూ జాతరే" అంటూ సిగ్గుపడుతూ చెప్పేసరికి శ్రీముఖి ముఖం కూడా ఒక్కసారిగా మారిపోతుంది.

హారిక ఇచ్చిన ఆన్సర్ కి శృతి, శివజ్యోతి, హరిత,మధుప్రియ అందరూ పగలబడి నవ్వేస్తారు. తర్వాత శృతిని కూడా జాతర అంటే ఏమిటి మీ వెనక ఎంత మంది పడేవారు అప్పట్లో అని అడిగేసరికి ..లెక్కుంటే చెప్పొచ్చు కానీ అన్ లిమిటెడ్, మైండ్ బ్లోయింగ్ అని ఆన్సర్ ఇచ్చేసరికి శ్రీముఖి నోరెళ్లబెడుతుంది. హారిక 17 ఏళ్లకే బుల్లితెర మీదకు ఎంట్రీ ఇచ్చి పసుపు కుంకుమ, మేఘమాల, వరూధిని పరిచయం, శ్రావణ సమీరాలు, రుతుగీతం, నేను శైలజ వంటి సీరియల్స్ లో నటించింది.