English | Telugu
నూకరాజు మీద మనసు పడిన ప్రేమ ఫన్నీ జాతకం ఫుల్ ఎంటర్టైన్ !
Updated : Sep 27, 2022
"నవరాత్రి ధమాకా" పేరుతో ఇటీవల ప్రసారమైన షో ఆద్యంతం నవ్వులతో ముంచెత్తింది. ఈ షోకి గెస్టులుగా ప్రేమ, సంఘవి వచ్చారు. హోస్ట్ గా రవి, సిరి హన్మంత్ చేశారు. ఇక ఈ షోలో నూకరాజు, పంచ్ ప్రసాద్ చిలక జోస్యం చెప్పేవారిగా చేసిన స్కిట్ అద్భుతంగా పండింది. ఇందులో ప్రేమ జాతకం చెప్పాలంటూ చిలకతో ఒక కార్డు తీయించి " నూకరాజు అనే అతని మీద మీరు మనసు పడ్డారు. అతన్ని మీరు ప్రేమిస్తున్నారు..అతను లేకపోతే మీరు ఆత్మహత్య చేసుకుంటారు " అంటూ తనకు హీరోయిన్ ప్రేమ అంటే ఎంత ఇష్టమో చెప్పకనే చెప్పాడు నూకరాజు.
ఇక సంఘవి జాతకం చెప్తూ " రవి అనే అతను మీమీద కన్నేశాడు. ఆ రవిని తప్పించుకునే పరిష్కారం ఏమిటి అంటే నూకరాజుని మీరు ఒక్కరోజైనా పెళ్లి చేసుకోవాలి" అని రాసుంది ఈ కాగితంలో అంటూ చెప్తాడు. సంఘవి నవ్వేస్తుంది.. తర్వాత "చెప్పు తల్లి నూకరాజు మీద మీ అభిప్రాయం" అంటూ ప్రేమను అడిగేసరికి "బాగున్నాడు, నచ్చాడు, పెళ్లి చేసుకుంటాను" అంటుంది ప్రేమ..."ఐతే నూకరాజు వస్తే ఒక ముద్దిస్తారా " అని అడుగుతాడు. "అంత సీను లేదులే" అని చెప్పి నవ్వేసింది ప్రేమ.
ఇక ఫైనల్గా నూకరాజుకి ఫన్నీ జాతకాన్ని చెప్పి రచ్చ రవి ఎంటర్టైన్ చేసాడు. "ఎందుకో..నువ్వు మళ్ళీ గ్యాప్ తీసుకుంటే బెటర్ అనిపిస్తోంది " అని ఆది రచ్చ రవికి చెవిలో చెప్పేసరికి "నేను గ్యాప్ తీసుకోవడానికి రాలేదు బ్రో...అందరికీ గ్యాప్ ఇద్దామని వచ్చా" అంటూ పంచ్ వేసాడు.