స్టార్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియస్ శనివారం నాటి ఎపిసోడ్ -294 లో....దీపనే తన ప్రాణధాత అని తెలుసుకున్న కార్తీక్ ఆనందానికి అవధులు లేకుండా పోతాయ్. దీప చిన్నప్పటి ఫోటోని బీరువా లో పెట్టి ఇప్పుడే వెళ్లి దీపని కలవాలని వెళ్తాడు. శౌర్యని దీప స్కూల్ నుండి ఇంటికి తీసుకొని వస్తుంటుంది. ఇప్పుడు జ్యోత్స్న వచ్చిన కూడా తనతో వెళ్లొద్దంటు శౌర్యకి దీప చెప్తుంది. నేను చాక్లెట్ తెచ్చుకుంటా నువ్వు ఇక్కడే ఉండాలని దీపకి శౌర్య చెప్పి వెళ్తుంది.

అప్పుడే దీప దగ్గరికి ఒకతను వచ్చి ఈ అడ్రెస్ ఎక్కడ అంటూ అడుగుతాడు. అతను వెనకాలున్న రౌడీకి సైగ చెయ్యడం దీప చూస్తుంది. రౌడీ కత్తితో దీప పై దాడి చేయబోతుంటే అప్పుడే దీప గమనించి అతన్ని ఆపి వాళ్ళని కొడుతుంది. శౌర్య వస్తుంటే దీప చూసి.. శౌర్య పరిగెత్తు అనగానే అక్కడి నుండి తను పరిగెడుతుంది. ఇక అదే సమయంలో దీప వెనకాల నుండి జ్యోత్స్న వచ్చి తన ముక్కు దగ్గర మత్తు చూపిస్తుంది. దాంతో దీప స్పృహ కోల్పోతుంది. అదంతా దూరం నుండి శౌర్య చూస్తుంది.శౌర్య వెంబడి రౌడీలు పరిగెత్తుతారు. మరొకవైపు జ్యోత్స్నలో చాల మార్పు వచ్చింది గదిలో రెస్ట్ తీసుకుంటుందని దశరథ్ కి సుమిత్ర చెప్తుంది. జ్యోత్స్న అలా ఉంటుందంటే డౌట్ పడాలని దశరత్ అనుకుంటాడు.

మరొకవైపు రౌడీ లని పంపించి తనే గన్ తో దీప ని షూట్ చెయ్యాలనుకుంటుంది‌ జ్యోత్స్న. అప్పుడే కార్తీక్ అటుగా వస్తుంటాడు. దాంతో పక్కకి వెళ్లి దాక్కుంటుంది. కార్తీక్ శౌర్య బ్యాగ్, దీప చెప్పులు చూసి కంగారు పడుతాడు. అక్కడ దీప పక్కకి పడిపోయి ఉంటుంది. తనని లేపుతాడు. శౌర్యని కాపాడండి అని దీప అంటుంది. దాంతో శౌర్య కోసం కార్తీక్ వెళ్తాడు. శౌర్య షూస్ చైన్ కన్పిస్తాయి దాని ఆధారంగా కార్తీక్ వెళ్తాడు. శౌర్యా ఒక దగ్గర దాక్కొని ఉంటుంది. జ్యోత్స్న మా అమ్మని ఎందుకు అలా చేసిందని శౌర్య అనుకుంటుంది. రౌడీలు శౌర్యని చూస్తారు. అప్పుడే కార్తీక్ వస్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.