తులసిని తెలివిగా మోసం చేసాను అనుకుంటూ లోలోపల ఫుల్ ఖుషీగా ఉంటుంది లాస్య. లాస్య ఆనందాన్ని చూసి ఏమిటని అడుగుతాడు. తులసి రోడ్డున పడిన విషయం చెప్తుంది. బ్యాంకు లోన్ శాంక్షన్ అయ్యింది కానీ వాటిని ఎవరో కాజేశారని చెప్తుంది. నందు కూడా చాలా సంతోషంగా వెళ్లి తులసిని పలకరించి వద్దామా అని మళ్ళీ వద్దులే అని మనసు మార్చుకుంటాడు. తులసిని కాపాడడానికి అంకిత పక్కనే వుంది కదా వద్దులే అంటుంది లాస్య. ఇంకోవైపు తులసి చాలా స్ట్రెస్ ఫీల్ అవుతూ ఎవరినైనా లాయర్ ని కలిస్తే బాగుంటుంది అంటుంది. ఎందుకు అల్లుడే ఉన్నాడుగా చెపుదాం అంటుంది అనసూయ. వద్దు అందరికీ ఈ విషయం తెలిస్తే బాగోదు అంటుంది తులసి. తులసి ఇంట్లో ఉన్న శృతికి ప్రేమ్ నుంచి ఫోన్ వచ్చేసరికి ఇంటికి బయల్దేరుతుంది. ఆ బ్రోకర్ గాడు నాకు కనిపిస్తే వాడిని చితక్కోటేస్తాను అంటుంది అనసూయ. ఐనా మోసం చేసి ఏం బాగుపడతాడులే అంటుంది.

ఇంతలో అక్కడికి వచ్చిన నందు అవును ఈ సూత్రం అందరికీ వర్తిస్తుంది అంటూ తులసి వైపు కోపంగా చూస్తాడు. ఫ్యాక్టరీ తీసుకున్నావ్ వదిలేసావ్, నాన్న ఆపరేషన్ కోసం అప్పు చేసావ్ వదిలేసావ్. చివరికి ఇల్లు కూడా నీవల్లే పోయింది ఐనా నీకు అహంకారం తగ్గలేదు అంటాడు. ఇప్పుడు ఈ బ్యాంకు లోన్ విషయం ఇలా జరిగింది ఐనా నీకు బుద్ది రాదు అంటాడు. నా లోన్ నా ఇష్టం అని గట్టిగా నందుకు వార్నింగ్ ఇస్తుంది తులసి. మరో వైపు ప్రేమ్ కి ఏం సమాధానం చెప్పాలో తెలియక శృతి అవస్థలు పడుతూ ఉంటుంది. ఇక లాస్య ఊరుకోకుండా బ్యాంకు మేనేజర్ కి ఫోన్ చేసి తులసి ఫేక్ డాక్యుమెంట్స్ పెట్టి లోన్ తీసుకున్న విషయం చెప్తుంది .. ఇక సీరియల్ లోని మిగతా హైలైట్స్ కోసం ఈరోజు సాయంత్రం ప్రసారమయ్యే గృహలక్ష్మి సీరియల్ చూడాల్సిందే.