స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ మంగళవారం నాటి ఎపిసోడ్ -548 లో.....కాశీ స్టేషన్ నుండి బయటకు వచ్చి.. వైరాకి ఫోన్ చేస్తాడు. మీరు చెప్పినట్టే చెప్పాను కానీ మావయ్యకి బెయిల్ రాదట.. మా బావ టెన్షన్ పడుతున్నాడని కాశీ అనగానే శ్రీధర్ మీ మావయ్యనా.. కార్తీక్ నీ బావనా అని వైరా షాక్ అవుతాడు. వెంటనే నాకెందుకు చెప్పలేదని అంటాడు. చెప్పే అవసరం రాలేదని కాశీ అంటాడు. సరే నువ్వు ఏం తప్పు చెయ్యలేదు భయపడకు అని కాశీకి ధైర్యం చెప్తాడు వైరా.

అప్పుడే కాశీ దగ్గరికి కార్తీక్ వస్తాడు. పర్ ఫెక్ట్ గా మా నాన్నమాటలు ఎందుకు రికార్డు చేసావని కార్తీక్ అడుగుతాడు. నా దంట్లో ఆటోమేటిక్ కాల్ రికార్డింగ్ ఉందని కాశీ అనగానే అయితే ఇప్పుడు మాట్లాడిన కాల్ రికార్డు చూపించమని కార్తీక్ అడుగుతాడు. డిలీట్ చేసానని చెప్తూ కాశీ భయపడుతాడు. కొడుకు దూరంగా ఉన్నాడని అల్లుడిలో కొడుకుని చూసుకుందామనుకొని తన దగ్గర పెట్టుకున్నాడని కార్తీక్ అంటాడు. నేను జాబ్ కి రిజైన్ చెయ్యాలి అనుకుంటున్నానని లెటర్ ఇస్తాడు కాశీ. ఆఫీస్ లో ఇవ్వమని శివన్నారాయణ అంటాడు. ఆ తర్వాత కార్తీక్ కి కాంచన ఫోన్ చేసి శ్రీధర్ గురించి టెన్షన్ పడుతుంది. నాన్న తప్పు చేసాడంటే నువ్వు నమ్ముతున్నావా అని కార్తీక్ అడుగుతాడు. లేదని కాంచన అంటుంది. నేను నాన్నని బయటకు తీసుకొని వస్తానని కార్తీక్ అంటాడు. మరొకవైపు జ్యోత్స్న తప్పుడు లెక్కల ఫైల్స్ అన్ని కాశీ తీసుకుంటాడు. అప్పుడే జ్యోత్స్న ఫోన్ చేస్తుంది. అక్క ఇన్ని రోజులకి ఒక పెద్ద హెల్ప్ చేసావ్.. నీకు ఒక గిఫ్ట్ ఇవ్వాలని అనుకుంటున్నాను.. తప్పుడు లెక్కల ఫైల్స్ అన్నీ నేను తీసుకున్న కలిసినప్పుడు ఇస్తానని చెప్పగానే థాంక్స్ తమ్ముడు.. ఇక నుండి నువ్వు నా సొంత తమ్ముడు అని జ్యోత్స్న హ్యాపీగా ఫీల్ అవుతుంది.

ఆ తర్వాత కార్తీక్, శివన్నారాయణ ఇంటికి వస్తారు. కార్తీక్ దగ్గరికి దీప వచ్చి మాట్లాడుతుంది. ఏంటి బావ అన్నీ ఒకేసారి.. ఇంకా అమ్మ వాళ్ళు హాస్పిటల్ నుండి రాలేదు.. మావయ్య గారు స్టేషన్ లో అని బాధపడుతుంది. కాశీ గురించి చెప్తే ఇంకా బాధపడుతావని చెప్పట్లేదని కార్తీక్ అనుకుంటాడు. ఆ తర్వాత రెస్టారెంట్ నుండి మేనేజర్ వచ్చి ఫుడ్ సెక్యూరిటీ ఆఫీసర్ వచ్చి ఫుడ్ లో కల్తీ జరిగిందని ఫైన్ వేశారని చెప్తాడు. దాంతో అంతటికి కారణం శ్రీధర్ అని పారిజాతం, జ్యోత్స్న తిడుతారు. మీరు ఏమనుకున్నా పట్టించుకోను.. మా నాన్న తప్పు చెయ్యలేదని నమ్మాల్సిన వాళ్ళు నమ్మితే చాలని కార్తీక్ అనగానే తాత నువ్వు, మావయ్య తప్పు చెయ్యలేదని నమ్ముతున్నావా అని జ్యోత్స్న అనగానే లేదని శివన్నారాయణ అంటాడు. దాంతో కార్తీక్, దీప షాక్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.