స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ శుక్రవారం నాటి ఎపిసోడ్ -118 లో....ధీరజ్ ని వాటర్ క్యాన్ ఆర్డర్ వచ్చింది వెళ్ళమని తన ఓనర్ పంపిస్తాడు. మరొకవైపు శ్రీవల్లి రెడీ అవుతుంటే కాaమాక్షి, నర్మద వాళ్ళు వస్తారు. ఇవ్వన్నీ బంగారమేనా అని శ్రీవల్లిని కామాక్షి అడుగుతుంది. అవునండి బంగారమే అని శ్రీవల్లీ చెల్లెలు చెప్తుంది. మరి అయితే హల్ మార్క్ లేదేంటని నర్మద అడుగుతుంది. మాకు బంగారం చేసే అతను మర్చిపోయి ఉంటాడు అని శ్రీవల్లి అంటుంది.

బంగారం బాగుందని మా నాన్నని అడిగి చేయించుకుంటాను.. ఎక్కడో చెప్పండి అని కామాక్షి అడుగుతుంది.. దొరికిపోయామని శ్రీవల్లి టెన్షన్ పడుతుంటే అప్పుడే ముహూర్తం టైమ్ అయిందని భాగ్యం వస్తుంది. మాకు ఈ నగలు బాగా నచ్చాయి.. మీకు చేసిన అతని నెంబర్ చెప్పండి అని కామాక్షి అడుగుతుంది. నెంబర్ ఫోన్ లో ఉంది.. ఫోన్ మా ఆయన దగ్గర ఉందని భాగ్యం అంటుంది. వీళ్ళ మాటల్లో ఏదో తేడా కొడుతుందని నర్మదకి డౌట్ వస్తుంది. ప్రేమని భాగ్యం చూసి అమ్మాయి ఒకతే వచ్చింది. తన భర్త రాలేదా అని అడుగుతుంది. ఏదో పని ఉండి రాలేదని వేదవతి చెప్తుంది. ఆ తర్వాత ఎంగేజ్ మెంట్ జరుగుతు ఉంటుంది. ధీరజ్ కూడా అదే గుడికి వాటర్ క్యాన్ తీసుకొని వస్తాడ. తన అన్న ఎంగేజ్ మెంట్ ని కళ్ళారా చూసి హ్యాపీగా ఫీల్ అవుతాడు.

ఆ తర్వాత చందు, శ్రీవల్లి ఎంగేజ్ మెంట్ జరుగుతుంది. అది చూసి రామరాజు హ్యాపీగా ఫీల్ అవుతాడు. ధీరజ్ వాటర్ క్యాన్ తీసుకొని వెళ్తుంటే.. భాగ్యం కి డాష్ ఇస్తాడు. నువ్వు రామరాజు చిన్న కొడుకువి కదా అని భాగ్యం అడుగుతుంటే.. ధీరజ్ అటు పక్క చూస్తాడు. రామరాజు వాళ్ళందరిని పిలుస్తుంది భాగ్యం. మీకు అంత ఆస్తులు ఉండి మీ కొడుకు ఇంటింటికి వాటర్ క్యాన్ లు వేస్తున్నాడని భాగ్యం అంటుంది. చిన్నోడా నువ్వు ఈ పని చేస్తున్నావా అని వేదవతి అడుగుతుంది. నువ్వు ఈ పని చెయ్యడం ఏంటని భాగ్యం అడుగుతుంది. చెయ్యకూడదా చేస్తే తప్పేంటి? అన్యాయం చెయ్యడం లేదు కదా.. న్యాయంగా కష్టం చేసి సంపాదిస్తున్నాడని ప్రేమ సమాధానం చెప్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.