ఒక కుటుంబం గొప్పతనం.. బంధాలు.. బంధుత్వాలు తెలియజేస్తూ కొత్త సీరియల్ స్టార్ మా టీవీలో మొదలైంది. ఒకే కుటుంబంలోని అక్కాచెల్లెళ్ళు దూరమైతే కుటుంబంలోని ఆ వారు ఎంత బాధపడుతారో కళ్ళకి కట్టినట్టు చూపిస్తూ 'ఇల్లు ఇల్లాలు పిల్లలు' సీరియల్ ప్రేక్షకుల ముందుకు వచ్చింది. ఈ సీరియల్ ఎపిసోడ్ -01లో ఏం జరిగిందో చూసేద్దాం.

ఒక ఊరిలో పేరు ప్రతిష్టలు ఉన్న ఒక పెద్దాయన ఉంటాడు. అతనికి ఇద్దరు కూతుళ్లు, ఒక కుమారుడు ఉంటారు. ఇద్దరు అక్కచెల్లెల్లలో.. అక్క భద్రావతి.. చెల్లి వేదవతి.. చిన్నప్పటి నుండి ఇద్దరు ప్రాణంగా ఉంటారు. రోజు ప్రొద్దున లేచి వేదవతి మొహం చూస్తుంది భద్రావతి. చెల్లి అంటే భద్రావతికి అంత ప్రేమ ఉంటుంది. ఆ తర్వాత రామరాజు వాళ్ళ ఇంట్లో ఉంటున్న నమ్మకమైన పనివాడు అతనికి వాళ్ళు తప్ప ఎవరు ఉండరు.

ఆ తర్వాత ఇద్దరు అక్కాచెల్లెలు కొలనులో దీపాలు వదులుతారు. వేదవతి తను ప్రేమించిన అబ్బాయి తో పెళ్లి జరగాలని మొక్కుకుంటుంది‌. దీపం కొండెక్కుతుంటే రామరాజు వచ్చి.. మీరు కోరుకున్న కోరిన నెరవేరుతుంది. ఈ దీపం కొండేక్కదని చెప్తాడు. ఆ తర్వాత ఇద్దరికి పెళ్లి చెయ్యాలని ఇద్దరిని ఒక ఇంటికి ఇవ్వాలనుకుంటారు. పెళ్లి అయితే ఎక్కడ చెల్లి నేను విడిపోతామోనని అనుకున్నాను.. ఇద్దరం ఒకే ఇంట్లో ఉంటామని భద్రావతి సంతోషపడుతుంది. సీన్ కట్ చేస్తే వేదవతి, రామరాజులు పెళ్లి చేసుకుంటారు. అక్కడికి వేదవతి కుటుంబం వచ్చి రామరాజుని అవమానిస్తారు. ఇంట్లో పనివాడివి అంటారు. ఎప్పుడు అయితే పని వాడితో లేచిపోయిందో అప్పుడే అది మనకి లేదని భద్రావతి అంటుంది. దూరం గా వెళ్ళాలి అనుకుంటారు కానీ ఇక్కడే ఉంటే మీ వాళ్లని చూసుకుంటావ్ కదా అని వేదవతితో రామరాజు అంటాడు.

ఆ తర్వాత భద్రావతికి సంబంధం వస్తుంది‌ మీ చెల్లి పనివాడితో లేచిపోయిందట.. నీకు అలాంటిది ఉంటే చెప్పమని అబ్బాయి అనగానే.. తనని కొట్టి భద్రావతి పంపిస్తుంది. ఆ తర్వాత పెళ్లి చూపులకి వచ్చిన వాళ్ళు వెళ్తుంటే రామరాజు ఆపి వాళ్ళు చాలా మంచి వాళ్లు అని వాల్ల కాళ్ళు పట్టుకొని పెళ్లి చేసుకొమ్మంటాడు. అయిన వాళ్ళు వెళ్ళిపోతారు. అదంతా చుసిన వేదవతి వాళ్ల నాన్న.. నిన్ను తప్పుగా అర్థం చేసుకున్నాను.. అని రామరాజుని హగ్ చేసుకుంటాడు. ఆ తర్వాత వేదవతి దగ్గరికి వాళ్ళ నాన్న వెళ్తాడు. పెద్దాయన ఇంటికి వచ్చి రామరాజుని అల్లుడుగా ఒప్పుకొని ఇంట్లోకి పిలుద్దామని అంటాడు. అందుకు భద్రావతి ఒప్పుకోదు.. వాడు చచ్చిన రోజు నేను పెళ్లి చేసుకుంటా వాడిని క్షమించేది లేదు.. నా చెల్లి నా గుండెచప్పుడు అలాంటిది నా నుండి నా చెల్లిని దూరం చేసాడని భద్రావతి కోపంగా మాట్లాడతుంది. ఆ తర్వాత పెద్దాయన తన భార్యతో చెప్తూ బాధపడుతాడు. అప్పుడే చనిపోతాడు. ఇక వేదవతి, రామరాజులు వస్తుంటే.. వద్దని తన తమ్ముడు సేనాపతికి భద్రావతి చెప్పగానే డోర్ వేస్తాడు. మా నాన్నని చూస్తానంటూ వేదవతి ఏడుస్తుంటే.. రామరాజు కత్తి పట్టుకొని డోర్ నెట్టి వేదవతిని లోపలికి తీసుకొని వెళ్తాడు. నాన్న చావుకి కారణమైన నిన్ను వదలనురా అని భద్రావతి అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.