'శ్రీదేవి డ్రామా కంపెనీ' ఈవారం అందరినీ అలరించింది. ఇందులో నాటీ నరేష్ డాన్స్ హైలైట్ గా నిలిచింది. తన లవ్ ఫెయిల్యూర్ అంశాన్ని తీసుకుని స్కిట్ కం డాన్స్ రూపంలో తన బాధ చెప్పేసరికి అందరూ ఎమోషన్ అయ్యారు. తర్వాత సదా "చాలా బాగా చేసాడని" కాంప్లిమెంట్ ఇచ్చింది. నరేష్ ని పిలిచి హగ్ చేసుకుని ముద్దులిచ్చేసింది పూర్ణ‌. తర్వాత పవిత్ర స్టేజి మీదకు వచ్చి "ఆ డాన్స్ న‌న్ను బాగా కదిలించింది" అని చెప్పింది.

తాను జబర్దస్త్ కి రాకముందు బయట జాబ్స్ చేసే టైములో అందరూ పొట్టి పొట్టి అని ఏడిపించే వారని గుర్తుచేసుకుని బాధపడింది పవిత్ర. తర్వాత ఆది, "పవిత్రా! ఏం చెప్పాలనుకున్నావో నీ మనసులో ఉన్న మాటను ఈరోజు నరేష్ కి చెప్పేయ్. ఎందుకంటే రేపటి నుంచి నిన్ను, నరేష్ ని స్కిట్ లో ఉంచుతారో లేదో తెలీదు" అంటూ కామెడీ చేశాడు.

నరేష్ ముఖాన్ని చూసి "వాడు భయపడుతున్నాడు" అంది ప‌విత్ర‌. "వాడు పూర్ణ ముద్దులకు అలవాటు పడ్డాడు కదా అలాగే ఉంటాయి ఎక్స్ప్రెషన్స్.. కానీ.. నువ్వు చెప్పేయ్" అనేసరికి, "పవిత్ర , నరేష్ ఇద్దరూ డాన్స్ చేస్తే బాగుంటుంది" అంది పూర్ణ.. "అందం అమ్మాయితే" అనే పాటకు నరేష్ ని ఎత్తుకుని డాన్స్ చేసింది ప‌విత్ర‌. అది చూసి, "ఒక తల్లి తన పిల్లాడిని ఆడించినట్టు ఉందిరా" అంటూ కౌంటర్ వేశాడు ఆది.

"వాళ్ళు కుళ్లిపోతున్నారులే నరేష్ వాళ్లకు ఎప్పుడూ ఇలా జరగలేదని" అని రష్మీ అన‌డంతో, "నాకు పవిత్ర ఉంది. నీకెవరున్నారు?" అంటూ రెచ్చిపోయి ఆదికి రివర్స్ కౌంటర్ వేశాడు నరేష్. "నువ్వు గుండెల మీద చెయ్యేసుకుని చెప్పు.. నాకెవరు లేరు" అని ఆది అడిగేసరికి "సెట్టు మొత్తం నీ వెనకే ఉంది" అంటూ నవ్వేశాడు నరేష్.