బిగ్ బాస్ సీజన్-9 లోకి దివ్యని వైల్డ్ కార్డ్ ఎంట్రీ ద్వారా లోపలికి తీసుకొచ్చారు. ఇక తను వచ్చీరాగానే సంబంధించిన బట్టలన్నీ సంజన, శ్రీజ దాచేస్తారు వాటిని బీన్ బ్యాగ్ లో పెడుతుంటే ఇమ్మాన్యుయల్, రాము రాథోడ్ వస్తాడు. ఇద్దరు సైలెంట్ గా వెళ్ళిపోతారు. కాసేపటికి దివ్య వచ్చి చూసేసరికి తన బట్టలు లేవు.. దాంతో తను ముందు సంజనని అడుగుతుంది. నాకు తెలియదని సంజన అంటుంది. ఇవ్వకండి ఇలాగే వారం రోజులు ఉంటానని దివ్య అంటుంది.

అప్పుడే పవన్ కళ్యాణ్ వచ్చి బీన్ బ్యాగ్ లో ఉన్నట్లు క్లూ ఇస్తాడు. తను వెళ్లి చూసేసరికి బట్టలు ఉంటాయి. సంజననే బట్టలు తీసిందని శ్రీజ చెప్తుంది.ఇమ్మాన్యుయల్, రాము రాథోడ్ కూడా ఉన్నారని దివ్యతో ప్రియ చెప్తుంది. ఇమ్మాన్యుయల్ ఇలాంటి వాటికి సపోర్ట్ చేస్తాడు అనుకోలేదని భరణి అంటాడు. ఆ తర్వాత దివ్యతో ఇమ్మాన్యుయల్ మాట్లాడతాడు. అందులో పెట్టడం చూసాను కానీ ఏంటని చూడలేదు రాము వస్తుంటే కూడా మనకి ఎందుకులే అని తీసుకొని వచ్చానని ఇమ్మాన్యుయల్ చెప్తాడు. శ్రీజ కూడా దివ్యకి సారీ చెప్తుంది. దివ్య వచ్చింది ఫస్ట్ డేనే కదా నీకు జోక్ అయి ఉండొచ్చు.. కానీ అందరికి కాదని, మీతో ఉంటే మీరు సేఫ్ మీతో ఉన్నవాళ్ళు బలి అవుతారు అందుకే నేను రాలేదని సంజనతో రీతు అంటుంది.

ఆ తర్వాత సంజన, దివ్య మాట్లాడుకుంటారు. నేను తీసాను కానీ నీ రియాక్షన్ ఎలా ఉంటుందో చూద్దామని చేశాను.. మా గురించి నీకు తెలుసు నీ గురించి మాకు తెలియదు కదా.. నీకు సంబంధించినవి దొంగతనం చేస్తే అలుగుతావో‌.. కోప్పడుతావో ఎలా రియాక్ట్ అవుతావో చూద్దామనుకున్నానని సంజన అంటుంది. ఆ తర్వాత ఇమ్మాన్యుయల్ కెప్టెన్ అవుతాడు. నా బట్టలు దొంగతనం చేసిన వాళ్ళకి కచ్చితంగా పనిష్మెంట్ ఇవ్వాలని ఇమ్మాన్యుయల్ తో దివ్య అంటుంది. తప్పకుండా నువ్వు సాటిస్ఫాక్షన్ అయ్యేలా పనిష్మెంట్ ఉంటుందని దివ్యకి ఇమ్మాన్యుయల్ మాటిస్తాడు. దివ్యకి మాటిచ్చిన్నట్టుగా సంజనకి ఇమ్మాన్యుయల్ పనిష్మెంట్ ఇస్తాడా లేక అమ్మ అని వదిలేసి సెంటిమెంట్ చూపిస్తాడా చూడాలి మరి.