బిగ్ బాస్ చూసే ప్రేక్షకులకు ఆదిత్య సుపరిచితమే. కాని ఆదిత్య బిగ్ బాస్ లోకి రాకముందే చాలా మందికి తెలుసు. ఇతను పశ్చిమగోదావరి జిల్లా ఏలూరులో జన్మించాడు. తండ్రి శంకర్, తల్లి కళ్యాణి. ఒకప్పుడు తండ్రి కూడా నటుడే. తన సోదరుడు కౌశిక్. అందరికి తెలిసిన బుల్లి తెర నటుడే. అయితే తన చిన్నప్పటి నుండి బాలనటుడిగా అగ్ర హీరోలతో నటించాడు. 2003 లో వచ్చిన 'చంటిగాడు' మూవీలో హీరో గా నటించాడు. ఆ తర్వాత 'సుందరానికి తొందరెక్కువ', '1940 లో ఒక గ్రామం', 'మా ఉరి పొలిమేర', 'అన్నపూర్ణమ్మ గారి మనవడు' ఇలా పదికి పైగా సినిమాల్లో నటించగా, అరవైకి పైగా సినిమాల్లో బాలనటుడిగా నటించాడు. తన‌ నటనకు గాను, చిన్నప్పటి నుండి ఎన్నో అవార్డులను సంపాదించుకున్నాడు. తన భార్య పేరు మానస. కాగా తనకి ఇద్దరు కూతుళ్లు ఉన్నారు. ఆదిత్య వెండి తెరపై కాకుండా బుల్లితెర సీరియల్స్ లోను నటిస్తూ రాణిస్తోన్నాడు. కాగా రీసెంట్ గా బిగ్ బాస్ హౌస్ లో అవకాశం దక్కించుకున్నాడు.

బిగ్ బాస్ హౌస్ లో పదకొండవ వ కంటెస్టెంట్ గా ఆదిత్య అడుగుపెట్టాడు. మొదటి రోజు నుండి అందరితో సన్నిహితింగా ఉంటు, అందరిని ఆకట్టుకుంటున్నాడు. అయితే తను మృదుస్వభావి. ఎవరి మనసు నొప్పించకుండా ప్రవర్తిస్తున్నాడు. ఇలా ఉంటే హౌస్ లో కొంతమంది కంటెస్టెంట్స్ 'మాస్క్ వేసుకున్నాడు'. అంత నటన అన్న వాళ్ళు లేకపోలేదు. ఎక్కువ ప్రవచనాలు చెప్తాడు అని కూడా అంటున్నారు. ప్రతి మాట స్పష్టంగా మాట్లాడటమే కాకుండా హౌస్ కి ఒక పెద్ద అన్నయ్యలాగా అందరితో కలిసిపోయి ఉంటున్నాడు. కానీ హౌస్ లో రెండు మూడు వారాలు పెర్ఫార్మన్స్ చెయ్యట్లేదు. అతని పర్ఫామెన్స్ కి నాగార్జున కూడా గట్టిగానే చెప్పాడు.

"హౌస్ లో అందరు ఎవరి గేమ్ వారు ఆడాలి. ఎవరి కోసమో ఆడకూడదు. దేనిని త్యాగం చేయకూడదు. నీ ఆట నువ్వు ఆడటానికే హౌస్ లోకి వెళ్లావు" అంటు నాగార్జున చెప్పాడు. కాగా అప్పటి నుండి కొద్దిగా ఎంటర్టైన్మెంట్ చేస్తూ పర్వాలేదు అనిపిస్తోన్నాడు. హౌస్ లో ప్రతి వారం నామినేషన్ లో ఉంటు వస్తోన్నాడు. కాగా ప్రేక్షకులు సేవ్ చేస్తు వస్తున్నారు. ఈ వారం కూడా నామినేషన్ లో ఉన్నాడు.

ఆదిత్య రెమ్యూనరేషన్ రోజుకి యాభై వేల నుండి అరవై వేల వరకు ఉండొచ్చని బయట ప్రచారంలో ఉంది. మునుముందు తన పర్ఫామెన్స్ తో ప్రేక్షకులను అలరిస్తూ, తనని తాను రోజు రోజుకి మెరుగుపరుచుకొని, చివరి వరకు ఉండి విజేతగా నిలుస్తాడో లేదో చూడాలి.