English | Telugu
ఆంటీ అంటే ఊరుకోను నరేష్ కి వార్నింగ్ ఇచ్చిన సుమ!
Updated : Sep 13, 2022
ఇటీవల ఆంటీ అనే పదం సోషల్ మీడియాలో ఎంత వైరల్ అయ్యిందో , ఎంత వివాదాస్పదం అయ్యిందో అందరికీ తెలిసిన విషయమే. ఇప్పుడు కాష్ షోలో కూడా ఆంటీ వివాదం కంటిన్యూ అవుతున్నట్టు కనిపిస్తోంది. రీసెంట్ గా క్యాష్ లేటెస్ట్ ప్రోమో రిలీజ్ అయ్యింది. ఈ షో కి జబర్దస్త్ నుంచి దొరబాబు, గడ్డం నవీన్, సన్నీ, వెంకీ, దొరబాబు, బులెట్ భాస్కర్, నరేష్, తేజ వచ్చారు. " షోలో రూల్స్ అన్నీ మీకు తెలుసినవేగా" అని సుమ అనేసరికి "కొత్తవి ఉంటే చెప్పండి మేడం" అన్నాడు నరేష్.
"నువ్వే అంత పాతగా ఉంటే నేనేం కొత్తవి చెప్పను" అంటుంది సుమ. తర్వాత గబ్బర్ సింగ్ మూవీలో పోలీసుస్టేషన్ సీన్ ని ఇక్కడ స్పూఫ్ గా చేసింది సుమ. "అరె గబ్బర్ సింగ్ కె ఫోజియో" అని సుమ అనేసరికి "చెప్పండి ఆంటీ" అన్నాడు నరేష్. "ఎవడ్రా నీకు ఆంటీ.. ఈ జోక్ వేయొద్దని చెప్పానా నీకు.." అని ఫైర్ అయ్యింది సుమ.
తర్వాత సుమ A to Z ఈవెంట్స్ పేరుతో ఫంక్షన్స్ అవీ చేస్తూ ఉంటుంది. అందులో నరేష్ ని కూర్చోపెట్టి లంగా ఓణీ ఫంక్షన్ చేస్తారు అందరూ కలిసి. తర్వాత "సారీ అండి అందరికీ మా ఈవెంట్ వాళ్ళు సీమంతం ఫంక్షన్ ఒప్పుకున్నారు మర్చిపోయి అక్కడ చేయాల్సిన ఫంక్షన్ ఇక్కడ చేసేసారు" అంటూ ట్విస్ట్ ఇచ్చేసరికి ఫూల్స్ అయ్యారు జబర్దస్త్ కంటెస్టెంట్స్. ఫైనల్ గా గడ్డం నవీన్ కి భాస్కర్ కి కళ్ళకు గంతలు కట్టి కర్రలు తీసుకుని బాదేస్తారు అందరూ. ఇలా రాబోయే క్యాష్ షో అలరించబోతోంది.