మల్లిక్ చేతుల మీదుగా పరవశమై ఆడియో విడుదల
మల్లిక్ చేతుల మీదుగా "పరవశమై" ఆడియో విడుదల చేయబడింది. వివరాల్లోకి వెళితే నందలాల్ క్రియేషన్స్ పతాకంపై, శ్రీకాంత్ కృష్ణ, రీనా జంటగా, వాస్తవ్ తొలిసారిగా దర్శకత్వం వహిస్తూ, నిర్మించిన విభిన్నకథా చిత్రం "పరవశమై". ఈ సినిమాకి "నీ ప్రేమలో" అన్న క్యాప్షన్ గా నిర్ణయించారు. ఈ సినిమా నిర్మాణంలో విశేషం ఏమిటంటే నిర్మాత, దర్శకుడు, నటీనటులు, సంగీత దర్శకుడు ఇలా అందరూ కొత్తవారే పాలుపంచుకున్నారు. "పరవశమై" సినిమా ఆడియో విడుదల జూన్ 20 వ తేదీన నిజాంపట్నంలో కల రిషి మహిళా ఇంజనీరింగ్ కాలేజీలో, ప్రముఖ కార్టూనిస్ట్, హాస్యరచయిత అయిన మల్లిక్, అద్దంకి మాజీ యమ్.యల్.ఎ. గరటయ్య గారి చేతుల మీదుగా విడుదల చేయబడింది.