English | Telugu
నాగ్ రాజన్న షూటింగ్ ప్రోగ్రెస్
Updated : Jun 22, 2011
నాగ్ "రాజన్న" షూటింగ్ ప్రోగ్రెస్ విషయానికొస్తే ఒక పాట తప్ప పూర్తయింది. వివరాల్లోకి వెళితే అన్నపుర్ణ స్టుడియోస్ పతాకంపై, యువసామ్రాట్ అక్కినేని నాగార్జున హీరోగా నటిస్తూ, వి.విజయేంద్ర ప్రసాద్ దర్శకత్వంలో నిర్మిస్తున్న చిత్రం "రాజన్న". 1940 లో రజాకార్లకు వ్యతిరేకంగా జరిగిన తెలంగాణా సాయుధ రైతాంగ పోరాట యోధుడు రాజన్న జీవిత చరిత్రనే "రాజన్న" చిత్రంగా నిర్మిస్తున్నారు. నాగ్ "రాజన్న" సినిమా కోసం 1940 నాటి సంస్కృతి ప్రతిబింబించేలా కోటి రూపాయల వ్యయంతో రోడ్ నంబర్ 10 లో ఉన్న భూత్ బంగ్లా సమీపంలో ఒక సెట్ ను ఆర్ట్ డైరెక్టర్ రవి నిర్మించారు.
ఈ నాగ్ "రాజన్న" సినిమాకి యమ్.యమ్.కీరవాణి సంగీతాన్నందిస్తున్నారు. ఈ నాగ్ "రాజన్న" సినిమాలోని యాక్షన్ సన్నివేశాలను అపజయమెరుగని ప్రముఖ యువ దర్శకుడు యస్.యస్.రాజమౌళి దర్శకత్వంలో చిత్రీకత్రీకరిస్తున్నారు. జూలై 16 వ తేదికల్లా ఈ సన్నివేశాల చిత్రీకరణ పూర్తవుతుంది. నాగార్జున "గగనం" చిత్రాన్ని పంపిణీ చేసిన ఆర్ ఆర్ మూవీ మేకర్స్ సంస్థ ఈ నాగ్ "రాజన్న" సినిమా పంపిణి హక్కులను కూడా పొందటం విశేషం.