Brahmamudi : ఇంట్లోకి అడుగుపెట్టనివ్వను.. అనామికకి కనకం మాస్ వార్నింగ్!
స్టార్ మా టీవీలో ప్రసారమవుతున్న సీరియల్ ' బ్రహ్మముడి'. ఈ సీరియల్ బుధవారం నాటి ఎపిసోడ్-392 లో.. సీతారాముల కళ్యాణం జరింపించడానికి దుగ్గిరాల కుటుంబం అంతా కలసి గుడికి వెళ్తారు. అయితే రుద్రాణి మాస్టర్ ప్లాన్ తో అక్కడికి మీడియా వాళ్ళు వస్తారు. దుగ్గిరాల వంశంలో చీమ చిట్టుక్కుమన్నా ప్రపంచం తెలుసుకుంటుంది. కానీ తొమ్మిది నెలల పాటు ఈ ఇంటి కోడలు కడుపుతో ఉన్న విషయం గానీ బాబు పుట్టిన విషయం గానీ ఎందుకు తెలియనివ్వలేదని ఓ రిపోర్టర్ అడుగుతుంది. అయితే దుగ్గిరాల కుటుంబంలోని ఎవరు నోరెత్తరు. అయిన మీడియావాళ్ళు ప్రశ్నలు అడుగుతూనే ఉంటారు. మీడియా ప్రశ్నలను తట్టుకోలేక.. రాజ్, కావ్య, ఇందిరాదేవి, అపర్ణ, సుభాష్, ప్రకాశం, కళ్యాణ్.. ఇలా అంతా కంగారుపడుతుంటారు. రుద్రాణి, రాహుల్, అనామిక మాత్రం సంబరపడతారు.