English | Telugu
సునీల్ సెట్ లో ప్రభాస్ సినిమా
Updated : Dec 7, 2011
సునీల్ సెట్ లో ప్రభాస్ సినిమా అంటే వినటానికే ఏదోగా ఉంది కదా...! విషయమేమిటంటే యంగ్ రెబెల్ స్టార్ ప్రభాస్ హీరోగా, ప్రముఖ సినీ రచయిత కొరటాల శివని దర్శకుడిగా పరిచయం చేస్తూ, ప్రభాస్ సన్నిహితులు తొలిసారిగా నిర్మిస్తున్న చిత్రం షూటింగ్ కోకా పేట్ లో జరుగుతూంది. అయితే ఇక్కడ గతంలో సూనీల్ హీరోగా, ప్రముఖ దర్శకుడు రాజమౌళి దర్శకత్వంలో నిర్మించబడి, సూపర్ హిట్టయిన "మర్యాదరామన్న" చిత్రం కోసం వేసిన హౌస్ సెట్ అలాగే ఉంది.
ఆ ఇంటి సెట్ ని కొద్దిగా మార్చ్ అక్కడే గత వారం రోజులుగా ప్రభాస్ సినిమా షుటింగ్ జరుపుతున్నారు. గతంలో అనేక మంది సినీ రచయితలు దర్శకులుగా మారారు. వారిలో కొందరు విజయవంతమైన దర్శకులు కాగా మరికొంతమంది కనుమరుగయ్యారు. మరి కొరటాల శివ ఏ కోవకు చెందిన దర్శకుడో తెలియాలంటే ఈ చిత్రం విడుదల వరకూ ఆగాల్సిందే. దీంతో పాటు లారెన్స్ దర్శకత్వంలో ప్రభాస్ "రెబెల్" అనే చిత్రంలో కూడా నటిస్తున్నారు.