దర్శకుడిగా హీరో విక్రమ్ మారనున్నాడని విశ్వసనీయ వర్గాల ద్వారా అందిన సమాచారం. వివరాల్లోకి వెళితే పలుమార్లు జాతీయ ఉత్తమనటుడిగా అవార్డులనందుకున్న "అపరిచితుడు" ఫేం చియాన్ విక్రమ్ త్వరలో దర్శకత్వం చేపట్టనున్నాడట. శివపుత్రుడు, సేతు, జెమిని, అపరిచితుడు, నాన్న, ప్రస్తుతం "వీడింతే" వంటి విభిన్న కథా చిత్రాల్లో నటించిన విక్రమ్ నటుడిగా చాలా అభివృద్ధి సాధించాడు. "వీడింతే" చిత్రంలో అయితే విక్రమ్ ఏకంగా 17 రకాల గెటప్స్ తో ప్రేక్షకులోను సమ్మోహనపరచనున్నాడు.

అయితే తాను నటుడిగా సాధించిన దానికన్నా, దర్శకుడిగా ఇంకా ఎక్కువ సాధించగలనన్న ఆలోచనే తనను దర్శకుడిగా మారేందుకు ఊతమిస్తుందని ఆయన తన సన్నిహితులతో అన్నారట. త్వరలో విక్రమ్ దర్శకత్వంలోని చిత్రాలను మనం చూడబోతున్నామన్న మాట. నటుడిగా అద్భుతాలు చేసిన విక్రమ్ దర్శకుడిగా ఇంకెన్ని అద్భుతాలు చేస్తాడో వేచి చూద్దాం.