రెండవ స్కెడ్యూల్లో రవితేజ చిత్రం ఉందని ఆ చిత్ర నిర్మాత తెలియజేశారు. విషయమేమిటంటే శ్రీ వెంకటేశ్వర ఎంటర్ టైన్ మెంట్స్ పతాకంపై, మాస్ మహరాజా రవితేజ హీరోగా, తాప్సి హీరోయిన్ గా, సినిమాటోగ్రాఫర్ కమ్ డైరెక్టర్ శివ దర్శకత్వంలో ప్రముఖ నిర్మాత బూరుగపల్లి శివరామకృష్ణ నిర్మిస్తున్న చిత్రం తొలి స్కెడ్యూల్ ఇటీవలే పూర్తి చేసుకుంది. రెండవ స్కెడ్యూల్ డిసెంబర్ 11 వ తేదీ నుండి ప్రారంభం కాబోతూంది.

హైదరాబాద్, బాదామి, బ్యాంకాక్ తదితర ప్రాంతాల్లో ఈ చిత్రం షూటింగ్ జరుగనుంది. దీంతో ఈ చిత్రం టాకీ పార్ట్ పూర్తవుతుంది. ఈ చిత్రంలోని పాటలను విదేశాల్లో చిత్రీకరిస్తారు. ఈ చిత్రంలో హీరో రవితేజ అయిదు షేడ్స్ ఉండే పాత్రలో నటిస్తున్నారు. ఇటువంటి పాత్రలో నటించటం రవితేజకు ఇదే తొలిసారి. ఈ చిత్రం అన్ని వర్గాలను ఆకట్టుకునేలా రూపొందిస్తున్నారని సమాచారం. ఈ చిత్రాన్ని రానున్న వేసవి శలవుల్లో విడుదల చేయటానికి ఈ చిత్ర నిర్మాత సన్నాహాలు చేస్తున్నారు.