తెలుగు, తమిళ, హిందీ భాషల్లో అనేక చిత్రాల్లో నటించి, ప్రపంచవ్యాప్తంగా అశేష అభిమానులను సంపాదించుకున్న సూపర్ స్టార్ రజనీ కాంత్ జన్మదినం ఈరోజే. ఆయనకు తెలుగు వన్ జన్మదిన శుభాకాంక్షలు తెలియజేస్తోంది. రజనీ కాంత్ సినిమా రిలీజవుతుందంటే అది ఒక సంచలనం. ఆయన నటించిన "బాషా, అరుణాచలం, ముత్తు, నరసింహ, శివాజీ, రోబో" చిత్రాలు సంచలన విజయాలను నమోదు చేశాయి. దక్షిణాది భాషా చిత్రాల స్టామినా ఏంటో ప్రపంచానికి చాటి చెప్పిన ఘనుడు స్టార్ హీరో రజనీకాంతంటే అతిశయోక్తి కాదు. ఆయన నటించిన ప్రాంతీయ "రోబో" చిత్రం బడ్జెట్ వంద కోట్లంటే దాన్ని బట్టి మనం ఊహించవచ్చు రజనీ కాంత్ బాక్సాఫీస్ స్టామినా ఏంటో.

"రోబో" సాంకేతికంగా హాలీవుడ్ చిత్రాలకు ధీటుగా ఉంటుంది. అటువంటి రజనీకాంత్ పక్కా ఆధ్యాత్మికవాది. ఆయన తనకు ఖాళీ సమయం దొరికితే హిమాలయాలకు వెళుతూంటారు. అక్కడ ఆయన గురువు ఉన్నాడని అంటారు. ఆయనకు లభించిన అవార్డులకు అంతే లేదు. ఆయనకు 2000 సంవత్సరంలో భారత ప్రభుత్వం "పద్మభూషణ్" బిరుదునిచ్చింది. ప్రస్తుతం "పద్మవిభూషణ్" రేసులో ఉన్నారు రజనీ కాంత్. ఒక బస్ కండక్టర్ స్థాయి నుంచి ప్రపంచ వ్యాప్తంగా కొన్నికోట్లమంది అభిమానులను సంపాదించుకున్న సూపర్ స్టార్ రజనీ కాంత్ మరోసారి తెలుగు వన్ జన్మదిన శుభాకాంక్షలు తెలియజేస్తోంది.