English | Telugu
యుద్ధ ట్యాంకర్లతో ఎన్టీఆర్ ఫ్యాన్స్ ర్యాలీ.. ఇదెక్కడి మాస్ రా మావ!
Updated : Aug 1, 2025
జూనియర్ ఎన్టీఆర్ (Jr NTR) నటించిన కొత్త సినిమా వస్తుందంటే చాలు.. ఆయన ఫ్యాన్స్ చేసే సెలబ్రేషన్స్ ప్రత్యేక ఆకర్షణగా నిలుస్తుంటాయి. ఇక ఇప్పుడు 'వార్-2' (War 2) విడుదల సందర్భంగా.. యూకే ఎన్టీఆర్ ఫ్యాన్స్ చేసిన సెలబ్రేషన్స్ హాట్ టాపిక్ గా మారాయి. యూకే అధికారుల అనుమతి తీసుకొని.. 'వరల్డ్ వార్ 2'లో ఉపయోగించిన యుద్ధ ట్యాంకర్లతో ర్యాలీ నిర్వహించారు ఎన్టీఆర్ ఫ్యాన్స్. ప్రస్తుతం దీనికి సంబంధించిన ఫొటోలు, వీడియోలు సోషల్ మీడియాని షేక్ చేస్తున్నాయి. అసలు రియల్ యుద్ధ ట్యాంకర్లతో ర్యాలీ చేయాలన్న ఆలోచన ఎలా వచ్చింది అంటూ అందరూ ఆశ్చర్యపోతున్నారు.
ఎన్టీఆర్ నటించిన మొదటి బాలీవుడ్ ఫిల్మ్ 'వార్-2'. అయాన్ ముఖర్జీ దర్శకత్వంలో యశ్ రాజ్ ఫిలిమ్స్ నిర్మిస్తున్న ఈ యాక్షన్ థ్రిల్లర్ లో హృతిక్ రోషన్ తో కలిసి ఎన్టీఆర్ స్క్రీన్ షేర్ చేసుకుంటున్నాడు. ఆగస్టు 14న ప్రేక్షకుల ముందుకు రానున్న ఈ సినిమాపై భారీ అంచనాలు ఉన్నాయి.
'వార్-2' కోసం ఎన్టీఆర్ ఫ్యాన్స్ నెవెర్ బిఫోర్ సెలబ్రేషన్స్ చేస్తుండటం.. బాలీవుడ్ దృష్టిని సైతం ఆకర్షిస్తోంది. ఇటీవల మెల్బోర్న్ ఎన్టీఆర్ ఫ్యాన్స్.. నింగిలో స్మోక్ ఎఫెక్ట్ తో 'NTR WAR 2' అని రాయగా అది వైరల్ అయింది. ఇక ఇప్పుడు యూకే ఎన్టీఆర్ ఫ్యాన్స్ ఏకంగా యుద్ధ ట్యాంకర్లతో ర్యాలీ చేశారు. దీంతో ఎన్టీఆర్ ఫ్యాన్స్ సెలబ్రేషన్స్ గురించి బాలీవుడ్ మీడియా కూడా తెగ మాట్లాడుతోంది.