దసరా హీరో ఎవరు...? అనే ప్రశ్న ఫిలిం నగర్ వర్గాలను పందేలు కాసుకునేలా చేస్తూంది. వివరాల్లోకి వెళితే ముందుగా మహేష్ బాబు హీరోగా, సమంత హీరోయిన్ గా, శ్రీనువైట్ల దర్శకత్వంలో రాబోతున్న "దూకుడు" సినిమా ఆగస్టులో ప్రేక్షకుల ముందుకు రానుంది. ఈ సినిమా మీద భారీ అంచనాలున్నాయి.

యన్ టి ఆర్ హీరోగా, శృతిహాసన్ హీరోయిన్ గా, బోయపాటి దర్శకత్వంలో, కె.యస్.రామారావు నిర్మిస్తున్న చిత్రం "ఊసరవెల్లి".ఈ చిత్రం మీద కూడా అంచనాలు బాగానే ఉన్నాయి. ఈ చిత్రం కథకు 70 లక్షలు ఇచ్చారని విశ్వసనీయ వర్గాల ద్వారా అందిన సమాచారం.

యువరత్న నందమూరి బాలకృష్ణ శ్రీరామచంద్రుడిగా, నయనతార సీతామహాసాధ్విగా, బాపుగారి దర్శకత్వంలో, యలమంచిలి సాయిబాబు నిర్మిస్తున్న "శ్రీరామరాజ్యం" చిత్రం మీద కూడా అందరికీ బలమైన అంచనాలున్నాయి. అదీగాక ఈ చిత్రాన్ని బాపు తన ప్రాణస్నేహితుడు ముళ్ళపూడికి ఇస్తున్న నివాళిగా భావించవచ్చు. ఈ చిత్రాన్ని ఆయనకు అంకితమిచ్చారు.

ఇక నాగచైతన్య హీరోగా, కాజల్ అగర్వాల్ హీరోయిన్ గా, అజయ్ భూయాన్ దర్శకత్వంలో, కామాక్షీ కళా మూవీస్ పతాకంపై, డి.విశ్వచందన్ రెడ్డి నిరిస్తున్న "దడ" చిత్రం మీద కూడా అంచనాలు బాగానే ఉన్నాయి.

యువసామ్రాట్ అక్కినేని నాగార్జున హీరోగా నటిస్తూ, విజయేంద్రప్రసాద్ దర్శకత్వంలో, నిర్మిస్తున్న తెలంగాణా సాయుధ రైతాంగ పోరాట యోధుడు రాజన్న జీవిత కథే "రాజన్న" చిత్రం. ఈ విభిన్న కథా చారిత్రాత్మక చిత్రం మీద కూడా అంచనాలు భారీగానే ఉన్నాయి... మరి ఇంతమందిలో ఎవరి సినిమా సూపర్ హిట్టయి దసరా పండగ హీరోగా నిలుస్తారో...మీరు ఊహించి మీ అభిప్రాయం మాకు తెలియజేయండి.