English | Telugu
మంచు విష్ణు 'కన్నప్ప'లో సూపర్ స్టార్!
Updated : Oct 12, 2023
మంచు విష్ణు డ్రీం ప్రాజెక్ట్ 'కన్నప్ప'పై రోజురోజుకి ఆసక్తి పెరుగుతోంది. రోజుకో బడా స్టార్ ఈ ప్రాజెక్ట్ లో చేరుతున్నారు. ఇప్పటికే ప్రభాస్, నయనతార, మోహన్ లాల్ వంటి బిగ్ స్టార్స్ ఈ ప్రాజెక్ట్ లో భాగమైనట్లు దాదాపు క్లారిటీ వచ్చేసింది. అయితే ఇప్పుడు ఈ సినిమాకి మరో అట్రాక్షన్ తోడైంది. కన్నడ సూపర్ స్టార్ శివరాజ్ కుమార్ కన్నప్పలో ప్రత్యేక పాత్ర పోషించనున్నట్లు తెలుస్తోంది.
'కన్నప్ప'పై మంచు విష్ణు ఎన్నో ఆశలు పెట్టుకున్నాడు. ఈ సినిమాతో తన కెరీర్ కి బిగ్ బ్రేక్ వస్తుందని నమ్ముతున్నాడు. ఆ నమ్మకంతోనే దాదాపు రూ.100 కోట్ల బడ్జెట్ తో ఈ చిత్రాన్ని భారీ స్థాయిలో నిర్మిస్తున్నాడు. ఈ సినిమా కోసం ప్రపంచవ్యాప్తంగా ఉన్న ఎందరో నటీనటులు, సాంకేతిక నిపుణులను రంగంలోకి దింపుతున్నాడు. ఈ క్రమంలోనే కన్నప్ప కోసం కన్నడ సూపర్ స్టార్ శివరాజ్ కుమార్ ని రంగంలోకి దింపినట్లు తెలుస్తోంది. ప్రభాస్, నయనతార, మోహన్ లాల్, శివరాజ్ కుమార్ వంటి స్టార్ల చేరికతో ఈ సినిమా బాక్సాఫీస్ దగ్గర ఎలాంటి సంచలనాలు సృష్టిస్తుందో చూడాలి.