జెమిని ఫిలిం సర్క్యుట్స్ పతాకంపై, విజయ్, జీవా, శ్రీకాంత్ (తమిళ హీరో) హీరోలుగా, క్రియెటీవ్ డైరెక్టర్ "రోబో" శంకర్ దర్శకత్వంలో తెలుగు, తమిళ భాషల్లో పునర్నిర్మించబడుతున్న చిత్రం "3 ఇడియట్స్". హిందీ "3 ఇడియట్స్" ఎక్కడెక్కడ చిత్రీకరించారో ఆయా లోకెషన్లలోనే ఈ "3 ఇడియట్స్" చిత్రాన్ని కూడా దర్శకుడు శంకర్ చిత్రీకరిస్తున్నారు. ప్రస్తుతం డెహ్రాడూన్ లో ఈ చిత్రం సెకండ్ షెడ్యూల్ షుటింగ్ ని దర్శకుడు శంకర్ ప్లాన్ చేశారు. మార్చ్ ఆరవ తేదీ నుండి హీరోయిన్ ఇలియానా కూడా ఈ చిత్రం షూటింగ్ లో పాల్గొంటుంది.

ఈ చిత్రం తమిళ వెర్షన్ కు "నన్బన్" అన్న పేరుని దర్శకుడు శంకర్ నిర్ణయించారు. ఈ చిత్రానికి ప్రముఖ సంగీత దర్శకులు హేరీస్ జైరాజ్ సంగీతాన్ని అందిస్తున్నారు. దర్శకుడు శంకర్ రిక్వెస్ట్ వల్ల ఆయన హిందీ "3 ఇడియట్స్" చిత్రంలోని ట్యూన్లను కాపీ కొట్టకుండా అన్నీ ఫ్రెష్ ట్యూన్లతో ఈ చిత్రంలోని పాటలను కంపోజ్‍ చేస్తున్నారని తెలిసింది.