సినిమాపేరు:రాబిన్ హుడ్
నటీనటులు:నితిన్,శ్రీలీల,కేతిక శర్మ,రాజేంద్ర ప్రసాద్,వెన్నెల కిషోర్,షైన్ టామ్ చాకో,బ్రహ్మాజీ,శుభలేఖ సుధాకర్,మైమ్ గోపి,లాల్,ఆడు కాలం నరేన్ తదితరులు
రచన,దర్శకత్వం:వెంకీ కుడుముల
సినిమాటోగ్రఫి: సాయి శ్రీరామ్
ఎడిటర్: కోటి
సంగీతం: జివి ప్రకాష్ కుమార్
బ్యానర్ :మైత్రి మూవీ మేకర్స్
నిర్మాతలు:నవీన్ ఎర్నేని,రవిశంకర్ యలమంచిలి
విడుదల తేదీ:28 -03 -2025

2020 లో వచ్చిన బీష్మ మూవీ హిట్ తర్వాత నితిన్ కి ఇంతవరకు సరైన హిట్ లేదు.సుమారు ఐదు సంవత్సరాలు తర్వాత నితిన్ ఈ రోజు భీష్మ దర్శకుడు వెంకీ కుడుముల దర్శకత్వంలో రాబిన్ హుడ్(Robin Hood)తో ప్రేక్షకుల ముందుకు వచ్చాడు. మరి మూవీ ఎలా ఉందో చూద్దాం.

కథ
రామ్(నితిన్) ఒక అనాధ.ఇండియన్స్ అందరు తన బ్రదర్స్,సిస్టర్స్ అనే ఫీలాసిఫీతో చిన్న వయసు నుంచే దొంగతనాలు చేస్తు పెరిగి పెద్దవాడతాడు.ఈ క్రమంలో స్పెషల్ ఆఫీసర్ విక్టర్(షైన్ టామ్ చాకో) మినిస్టర్(ఆడుకాలం నరేన్)కి వాంటెడ్ క్రిమినల్ గా మారతాడు.కానీ రామ్ హఠాత్తుగా రాబరీలు చెయ్యడం మానేస్తాడు.జనార్దన్ సున్నిపెంట అలియాస్ జాన్ స్నోక్(రాజేంద్ర ప్రసాద్) కి చెందిన సెక్యూరిటీ సంస్థలో ఉద్యోగానికి చేరతాడు. 24 / 7 అన్ని రకాల సర్వీస్ లని అందించే ఆ సంస్థ పేరుని గూగుల్ లో సెర్చ్ చేస్తే 1 రేటింగ్ కూడా ఉండదు.

సామి(దేవ్ దత్త నాగే ) అనే ఒక కరుడుగట్టిన రౌడీ రుద్రవరం అనే ఊరిని ఆక్రమించుకొని గంజాయి పెంచుతు అంతర్జాతీయ డ్రగ్ డీలర్ గా ఎదగాలని డేవిడ్(డేవిడ్ వార్నర్) తో ఒప్పందం చేసుకుంటాడు.ఆస్ట్రేలియాలో సెటిల్ అయిన ఏవి ఫార్మా సూటికల్ అధినేత మిలినియర్ అభినవ్ వాసుదేవ్( సిజ్జు) కూతురు నీరా(శ్రీలీల) ని సామి ఇండియాలోని రుద్రకొండ వచ్చేలా చేస్తాడు.తన పిఏ జ్యోతి(వెన్నెల కిషోర్) తో కలిసి ఇండియాకి వచ్చిన నీరా సెక్యూరిటీగా నితిన్ ని ఎంచుకుంటుంది.ఇద్దరు కలిసి రుద్రకొండ వెళ్తారు.రామ్ ప్రాణాలకి తెగించి నీరాతో రుద్రకొండ వెళ్ళడానికి కారణం ఏంటి? దొంగతనాలు ఎందుకు చేసాడు? ఎందుకు మానేసాడు? సామి ఒక ఊరిని ఆక్రమించుకొని గంజాయి పెంచుతుంటే ప్రభుత్వం పట్టించుకోకపోవడానికి కారణం ఏంటి? సామి రుద్రకొండ నే గంజాయి సాగుగా ఎందుకు ఎంచుకున్నాడు? నీరాని ఎందుకు పిలిపించాడు? ఒక కరుడు గట్టిన రౌడీ రమ్మంటే ఎందుకు నీరా ఆస్ట్రేలియా నుంచి వచ్చింది? రామ్ అలియాస్ రాబిన్ హుడ్ ని పోలీసులు పట్టుకున్నారా? అసలు రామ్ కి ఆ ఊరికి ఏమైనా సంబంధం ఉందా? అనేదే ఈ కథ

ఎనాలసిస్

మూవీ స్టార్ట్ అయిన పది నిముషాలు రామ్ అలియాస్ రాబిన్ హుడ్ దొంగతనాలు చేస్తుంటే ఈ మూవీ కూడా రవితేజ హీరోగా వచ్చిన 'కిక్' లాంటి మూవీ స్టోరీ అని అనుకుంటారు.ఆ తర్వాతే దర్శకుడు తెలివిగా కథని డైవర్ట్ చేస్తాడు.ఫస్ట్ ఆఫ్ విషయానికి వస్తే రామ్ దొంగతనం మానేయాలని నిర్ణయించుకొని సెక్యూటిరీ సంస్థలో చేరేటప్పుడు,ఏదో బలమైన కారణం ఉందనే విషయాన్నీ ప్రేక్షకుల్లో కలిగించేలా చేసుండాల్సింది.దాంతో ప్రేక్షకుల్లో రామ్ క్యారెక్టర్ మీద క్యూరియాసిటీ ఉండేది.ఆల్రెడీ రుద్రవరం గ్రామానికి చెందిన కొంత మంది రామ్ ని కలుస్తారు కూడా.ఈ విషయాన్నిసెకండ్ ఆఫ్ లో అనేక ట్విస్ట్ ల మధ్య చూపించారు.

ఇక పెళ్లిళ్లకే సెక్యూరిటీ అందించలేని జాన్ స్నోక్ సంస్థలో రామ్ చేరడం,ఆ ఇద్దరి మధ్య వచ్చే కామెడీ సీన్స్ కొత్తగా ఉండి నవ్వులు పూయించాయి.నీరా క్యారక్టర్ లో శ్రీలీల క్యారక్టరేజేషన్ అయితే ఈ కథకి చాలా ప్లస్ అయ్యింది.జీనియస్ కాకపోయినా జీనియస్ అనుకునే ఆమె యాటిట్యూడ్ బాగా పేలింది.ఆమె పి ఏ గా జ్యోతి క్యారక్టర్ లో చేసిన వెన్నెల కిషోర్ క్యారెక్టర్ ఫస్ట్ ఆఫ్ కి ప్రధాన ఆకర్షణ గా నిలిచింది. ముఖ్యంగా జాన్,జ్యోతి మధ్య వచ్చే కామెడి సీన్స్ సినిమాకే హైలెట్.జ్యోతి క్యారక్టర్ ని మూవీ చివరి దాకా తను అనుకున్న మైండ్ సెట్ ప్రకారమే ఉంచాల్సింది. సామి గంజాయి సాగు చెయ్యడం,ఊరి వాళ్ళని బెదిరించడం లాంటి సీన్స్ గతంలో చాలా సినిమాల్లో చూసినవే.ఇంటర్వెల్ సీన్ అందరు ఊహించిందే. దీంతో సెకండ్ ఆఫ్ కథ ఎలా ఉండబోతుందో అందరు ఊహించుకుంటారు.కానీ అందుకు బిన్నంగా కథనాలు సాగి ప్రేక్షకుడికి రిలీఫ్ ఇవ్వడమే కాకుండా మూవీకి కూడా ప్లస్ అయ్యాయి.రుద్రవరం ఊరు రామ్ తనంతట తానుగా వచ్చాడని విషయం ప్రేక్షకులకి థ్రిల్ ని కలిగిస్తుంది.కాకపోతే రామ్, నీరా తాత కి మధ్య లింక్ ఉండనే డౌట్ ని ప్రేక్షకుడికి ఇంకొంచం ముందు చూపించాల్సింది.క్లైమాక్స్ వెరైటీ గా ఉండటంతో పాటు రాబిన్ హుడ్ సెకండ్ పార్టు ఉందేమో అనే అనుమానం వస్తుంది.ఆ ఎపిసోడ్ మొత్తం ఎంటర్ టైన్ మెంట్ కోణంలో చూపించడం మూవీకి అతి పెద్ద ప్లస్ అయ్యింది.

నటీనటులు సాంకేతిక నిపుణుల పనితీరు

రామ్ క్యారక్టర్ లో నితిన్(Nithiin)నటన అభిమానులతో పాటు ప్రేక్షకులని కళ్ళార్పకుండా చూసేలా చేసింది.ఈ మూవీ ద్వారా తన నుంచి సరికొత్త బాడీ లాంగ్వేజ్ ని కూడా పరిచయం చేసాడు.కామెడీ,యాక్షన్,సాంగ్స్ లో ఒక రేంజ్ లో ఇరగదీసాడు.పెర్ఫార్మెన్సు డాన్స్ లు పరంగా శ్రీలీల(Sreeleela)కూడా చాలా బాగా చేసింది.మిగతా క్యారక్టర్ లో చేసిన లాల్,రాజేంద్ర ప్రసాద్,వెన్నెల కిషోర్, దేవ్ దత్త,తమ పాత్ర పరిధి మేరకు నటించి సినిమాకి నిండుతనాన్ని తెచ్చారు.వెంకీ కుడుముల(Venki Kudumula)దర్శకత్వంతో పాటు మాటలు బాగున్నాయి.జివిప్రకాష్ కుమార్ నుంచి వచ్చిన సాంగ్స్ పెద్దగా బాగోకపోయినా బ్యాక్ గ్రౌండ్ మ్యూజిక్ ఎక్స్ లెంట్.సాయి శ్రీరామ్ ఫొటోగ్రఫీ నూటికి నూరుమార్కులు ఇవ్వచ్చు.నిర్మాణ విలువల పరంగా మైత్రి మూవీ మేకర్స్ నిర్మాణ సంస్థ ప్రతిష్ట మరింత పెరిగిందని చెప్పవచ్చు .

ఫైనల్ గా చెప్పాలంటే...

రెగ్యులర్ కథాంశాలే అయినా కూడా నితిన్ తో పాటు మిగతా ఆర్టిస్టుల పెర్ ఫార్మెన్సు,కామెడీ,మైత్రి నిర్మాణ విలువలు,సెకండ్ ఆఫ్ బాగుండటంతో రాబిన్ హుడ్ ప్రేక్షకులని మెప్పించే అవకాశం ఉంది.

రేటింగ్ 2 .5 /5 అరుణాచలం