English | Telugu
రామ్ చరణ్ ఆయనే దిక్కట!
Updated : Dec 3, 2014
మొత్తానికి రామ్చరణ్ - శ్రీనువైట్ల కాంబినేషన్ ఓకే అయిపోయింది. ఏమాయ చేశాడో గానీ ఓ అట్టర్ ఫ్లాప్ (ఆగడు) ఇచ్చి కూడా... మెగా ఫ్యామిలీ చేత సినిమా ఓకే చేయించుకొన్నాడు శ్రీనువైట్ల. ఈ విషయంలో శ్రీనువైట్ల మాయాజాలం కంటే, చరణ్ దగ్గర మరో ఆప్షన్ లేకపోవడమే అసలు కారణంగా కనిపిస్తోంది. ఎందుకంటే చరణ్ కి ఇప్పుడు ఓ భారీ కమర్షియల్ సినిమా కావాలి. ఎందుకంటే ఫ్యామిలీ సెంటిమెంట్ రుద్దుకొన్న ఫలితం గోవిందుడు అందరివాడేలే సినిమాతో తెలిసొచ్చింది. కొన్నేళ్ల వరకూ ఫ్యామిలీ కథల జోలికి వెళ్లడు. అంటే.. కమర్షియల్ సినిమాతప్ప మరో ఆప్షన్ లేదన్నమాట. అలాంటి సినిమాలు చేయాలంటే బోయపాటి శ్రీను, రాజమౌళి, వినాయక్, పూరి జగన్నాథ్లే దిక్కు. బోయపాటి కథ నచ్చక ఆయన్ని ఎప్పుడో పక్కన పెట్టేశాడు. ఇక రాజమౌళి చెర్రీతో సినిమా చేసే ఛాన్స్ లేదు. పూరిని గుడ్డిగా నమ్మే పరిస్థితి లేదు. ఆయనతో సినిమా చేద్దామన్నా పూరి కమిట్స్ మెంట్స్ పూరికి ఉన్నాయి. వినాయక్ అయితే మరీ రొటీన్ కాంబినేషన్ అయిపోతుంది. అందుకే.. శ్రీనువైట్లే దిక్కయ్యాడు. చరణ్ ఏదో శ్రీనుకి ఫేవర్ చేస్తున్నాడని అందరూ అనుకొంటున్నారు. కానీ శ్రీను లేకపోతే ఇప్పుడు చరణ్కి సినిమానే లేదు. అదీ కథ.