English | Telugu
చెర్రీ సినిమాలో గెస్ట్ గా బన్నీ
Updated : Dec 8, 2011
చెర్రీ సినిమాలో గెస్ట్ గా బన్నీ నటించనున్నాడట. వివరాల్లోకి వెళితే చెర్రీ అదేనండి రామ్ చరణ్ తేజ హీరోగా, దిల్ రాజు సమర్పణలో, వంశీ పైడిపల్లి దర్శకత్వంలో, గంటా శ్రీనివాస్ నిర్మిస్తున్న సినిమా "వాడే" (ఈ పేరు ఇంకా అఫీషియల్ గా నిర్ణయించలేదు). ఈ చిత్రం డిసెంబర్ 9 వ తేదీన, ఉదయం 7 గంటలకు, హైదరాబాద్ ప్రసాద్ ల్యాబ్ లో ఘనంగా ప్రారంభం కానుంది.
ఈ చిత్రంలో ప్రముఖ యువ హీరో అల్లు అర్జున్ ఓ అరగంట పాటు అతిథి పాత్రలో నటించనున్నారని విశ్వసనీయ వర్గాల ద్వారా అందిన సమాచారం. ఇదెంత వరకూ నిజమో చెప్పలేము. ఈ సినిమాలో డైలాగ్ కింగ్ సాయి కుమార్ నెగెటీవ్ షేడ్ ఉన్న పాత్రలో నటిస్తున్నారట. బాబాయ్ పవర్ స్టార్ పవన్ కళ్యాణ్ "పంజా" చిత్రం విడుదల రోజునే అబ్బాయ్ రామ్ చరణ్ సినిమా ప్రారంభం కావటం మెగా అభిమానులకు సంతోషం కలిగించే విషయం.