అల్లు అర్జున్ హీరోగా ప్రస్తుతం త్రివిక్రమ్ శ్రీనివాస్ దర్శకత్వంలోని చిత్రంలో నటిస్తున్నారు. ఇంకా పేరు పెట్టని ఈ చిత్రంలో ఇలియానా హీరోయిన్ గా నటిస్తూంది. దీని తర్వాత "కిక్, ఊసరవెల్లి" చిత్రాల ఫేం సురేంద్ర రెడ్డి దర్శకత్వంలో, అల్లు అర్జున్ హీరోగా నటించబోతున్నారని ఫిలిం నగర్ వర్గాల సమాచారం. అల్లు అర్జున్ కి హిట్ ఇచ్చిన చివరి చిత్రం"దేశముదురు". దాని తర్వాత "పరుగు, వేదం" చిత్రాలు వచ్చినా అవి సగటు స్థాయిలోనే నిలిచాయి.

ప్రస్తుతం నిర్మాణ దశలో ఉన్న త్రివిక్రమ్ శ్రీనివాస్ దర్శకత్వంలోని చిత్రం ఏ మేరకు హిట్టవుతుందో తెలియదు. సురేంద్ర రెడ్డి కిక్, ఊసరవెల్లి చిత్రాల్లో సాంకేతికంగా బాగా తీశాడన్న పేరు సంపాదించుకున్నాడు. పైపెచ్చు ఈ రెండూ కూడా హిట్ చిత్రాలే కావటం గమనార్హం. అటువంటి దర్శకుడు అల్లు అర్జున్ తో తీసే సినిమా ఎంత బాగుంటుందో అని ఆయన అభిమానులు ఆశపడటమ సహజం కదా. అల్లు అర్జున్ నటిస్తున్న ఆ సినిమాలు హిట్టవ్వాలనే కోరుకుందాం.