English | Telugu
మందు పార్టీపై రామ్ చరణ్ క్లారిటీ
Updated : Feb 10, 2015
తన ఇంట్లో జరిగిన విందులో అరుపులు, కేకలతో ఇరుగు పొరుగు వారికి ఇబ్బంది కలిగించినట్లు వచ్చిన వార్తలపై ప్రముఖ హీరో రాంచరణ్ తేజ స్పందించారు. శనివారం రాత్రి మా ఇంట్లో ఫ్యామిలీ డిన్నర్ మాత్రమే చేశాం. ఇరుగు పొరుగు వారికి నేను ఎలాంటి ఇబ్బంది కలిగించను. వారి ఏకాగ్రతకు భంగం కలిగేలా ప్రవర్తించను. పక్కింటి వారికి అసౌకర్యం కలిగించినట్లు వచ్చిన వార్తలు అసత్యమని రాంచరణ్ కొట్టిపారేశారు. అయితే జూబ్లీహిల్స్ రోడ్ నంబర్ : 25లో స్నేహితులకు ఇచ్చిన విందు వివాదం రేపింది. ఇందులో ఎమ్మెల్యే తీగల కృష్ణారెడ్డి కుమారుడు, మాజీ ఎంపీ లగడపాటి రాజగోపాల్ కుమారుడు ఉన్నట్లు వార్తలు వచ్చాయి. వీళ్ల అరుపులు కేకలకు పక్కనే ఉన్న సీనియర్ ఐపీఎస్ గౌతం సవాంగ్ విని ఫోన్ చేయడంతో పోలీసులు వచ్చి చెప్పినా రాంచరణ్ పట్టించుకోలేదని సమాచారం వచ్చింది.