ఆర్ ఆర్ మూవీ మేకర్స్ సమర్పణలో, మ్యాక్స్ ఇండియా పతాకంపై, సునీల్ హీరోగా, "ప్రేమ కావాలి" ఫేం ఇషా చావ్లా హీరోయిన్ గా, "అహ నా పెళ్ళంట" ఫేం వీరభద్రచౌదరి దర్శకత్వంలో, కె.అచ్చిరెడ్డి నిర్మిస్తున్న విభిన్నకథా చిత్రం "పూలరంగడు". ఈ చిత్రం 2012 జనవరి 14 వ తేదీన ప్రపంచ వ్యాప్తంగా 450 థియేటర్లలో విడుదల కానుంది. ఈ "పూలరంగడు" చిత్రానికి యువ సంగీత తరంగం అనూప్ రూబెన్స్ సంగీతాన్నందిస్తున్నారు. ప్రసాద్ మూరెళ్ళ ఈ చిత్రానికి సినిమాటోగ్రాఫర్ గా పనిచేశారు.

సునీల్ హీరోగా నటించిన సినిమా ఇన్ని థియేటర్లలో విడుదల కావటం ఇదే తొలిసారి కావటం విశేషం. తన గత చిత్రం "అహ నా పెళ్ళంట" ఎంత పెద్ద హిట్టయ్యిందో అంతకు మించిన హిట్టయ్యేలా ఈ "పూలరంగడు" చిత్రాన్ని తీర్చిదిద్దానని దర్శకుడు వీరభద్ర చౌదరి తెలుగువన్ కి తెలియజేశారు. ఈ చిత్రం టాకీ పార్ట్ పూర్తిచేసుకుంది. డిసెంబర్ నెలలో పాటల చిత్రీకరణ పూర్తిచేసుకుని జనవరిలో చిత్రాన్ని విడుదల చేస్తారు.