అన్నపూర్ణ స్టుడియోస్ పతాకంపై, యువసామ్రాట్ అక్కినేని నాగార్జున హీరోగా, అనుష్క, స్నేహ హీరోయిన్లుగా నటిస్తుండగా, వి.విజయేంద్రప్రసాద్ దర్శకత్వంలో, నాగార్జున నిర్మిస్తున్న విభిన్నకథా చిత్రం"రాజన్న". యదార్థంగా తెలంగాణాలో రజాకార్ల మీద తిరగబడ్డ తెలంగాణా పోరాటయోధుడు రాజన్న కథే ఇతివృత్తంగా ఈ చిత్రం నిర్మించబడుతూంది.

ఈ చిత్రంలోని యాక్షన్ సన్నివేశాలను ప్రముఖ దర్శకులు యస్.యస్.రాజమౌళి పర్యవేక్షణలో చిత్రీకరించారు. యమ్.యమ్.కీరవాణి ఈ చిత్రానికి చక్కని సంగీతాన్ని అందించారు. ఈ చిత్రం ఆడియో ఇటీవల డైరెక్ట్ గా మార్కెట్లోకి విడుదల చేయబడింది. ఈ "రాజన్న" చిత్రాన్ని డిసెంబర్ 23 వ తేదీన ప్రపంచ వ్యాప్తంగా విడుదల చేయటానికి సన్నాహాలు చేస్తున్నారు.