English | Telugu
ప్రభాస్ ఆవిష్కరించిన సూపర్ హిట్ పత్రిక
Updated : May 11, 2011
ప్రభాస్ ఆవిష్కరించిన "సూపర్ హిట్" పత్రిక అంటే దానర్థం ఏమిటి...? తెలుగు సినీ పరిశ్రమలో "సూపర్ హిట్" పత్రిక ప్రవేశించి ఇరవై యేళ్ళకు పైగానే అయ్యింది. అంత పేరున్న సీనియర్ పత్రికని నిన్న మొన్న వచ్చిన యంగ్ రెబెల్ స్టార్ ఆవిష్కరించటం ఏంటనేగా మీ అనుమానం. వివరాల్లోకి వెళితే "సూపర్ హిట్" పత్ర్క పెట్టి రెండు దశాబ్దాలయిన సందర్భంగా "సూపర్ హిట్" పత్రిక ఇంగ్లీష్ ఎడిషన్ ని ప్రత్యేకంగా విడుదల చేశారు బి.ఎ.రాజు, బి.జయ. ఈ "సూపర్ హిట్" పత్రిక ప్రత్యేక ఇంగ్లీష్ ఎడిషన్ని యువ హీరో యంగ్ రెబెల్ స్టార్ ప్రభాస్ చేతుల మీదుగా ఆవిష్కరింపజేశారు.
ఈ పత్రికను ఆవిష్కరించిన అనంతరం హీరో ప్రభాస్ మాట్లాడుతూ "నా తొలి చిత్రం "ఈశ్వర్" నుండీ సూపర్ హిట్ పత్రితో, బి.ఎ.రాజు గారితో నాకు ప్రత్యేక అనుబంధం ఉంది. ఆయన సినియర్ జర్నలిస్ట్ మాత్రమే కాక నిర్మాత, సూపర్ హిట్ వంటి నంబర్ వన్ పత్రికకు అధిపతి, అజాతశతృవు, మంచి మనసున్న మనిషి. ఈ పత్రిలో వచ్చే అన్నీ వార్తలనూ నేను నమ్ముతాను. రాజుగారి మీద, ఆయన పత్రిక మీద నాకే కాదు, తెలుగు సినీ పరిశ్రమలోని వారందరికీ , ఇంకా చెప్పాలంటే తెలుగు ప్రేక్షకులందరికీ నమ్మకముంది. అంత విశ్వాసాన్ని వారు సంపాదించటం చాలా సంతోషం. వారి పత్రిక మరిన్ని దశాబ్దాల పాటు ఇలాగే నంబర్ వన్ పత్రికగానే ఉండాలనీ, ఉంటుందనీ ఆశిస్తున్నాను" అని అన్నారు.