పవన్ కళ్యాణ్ "గబ్బర్ సింగ్ " మళ్ళీ వాయిదా పడిందని విశ్వసనీయవర్గాలద్వారా అదిన సమాచారం. వివరల్లోకి వెళితే బాలీవుడ్ లో, సల్మాన్ ఖాన్ హీరోగా నటించగా సూపర్ హిట్టయిన "దబాంగ్" సినిమాని తెలుగులో "గబ్బర్ సింగ్" పేరుతో, పవన్ కళ్యాణ్ హీరోగా, పరమేశ్వర ఆర్ట్స్ పతాకంపై, గణేష్ పునర్నిర్మిస్తున్న సంగతి తెలిసిందే. ఈ "గబ్బర్ సింగ్" చిత్రానికి "షాక్, మిరపకాయ" చిత్రాల ఫేం హరీష్ శంకర్ దర్శకత్వం వహిస్తున్నారు. ఈ చిత్రంలో హీరో పవన్ కళ్యాణ్ కి తల్లిగా సీనియర్ నటి సుహాసిని నటిస్తున్నారని తెలిసింది

. పవన్ కళ్యాణ్ "గబ్బర్ సింగ్ " సినిమా నిజానికి ఆగస్ట్ నెలలో ప్రారంభం కావలసింది. కానీ కొన్ని అనివార్య కారణాలవల్ల అక్టోబర్ నెలలో ప్రారంభం కానుందని తెలిసింది. గతంలో ఇలాగే పవన్ కళ్యాణ్ హీరోగా నటించిన "జల్సా, కొమరం పులి" చిత్రాలు కూడా ఇలాగే వాయిదా పడ్డాయి. ఆ రెండు చిత్రల్లో "జల్సా" సూపర్ హిట్ కాగా, "కొమరంపులి" సూపర్ ఫ్లాపయ్యింది.