English | Telugu
'ఓజీ' ఫస్ట్ లుక్ కి ముహూర్తం ఫిక్స్!
Updated : Aug 8, 2023
పవర్ స్టార్ పవన్ కళ్యాణ్ హీరోగా సుజీత్ దర్శకత్వంలో రూపొందుతోన్న చిత్రం 'ఓజీ'. డీవీవీ దానయ్య నిర్మిస్తున్న ఈ సినిమాలో ప్రియాంక మోహన్ హీరోయిన్ గా నటిస్తోంది. ఈ గ్యాంగ్ స్టర్ మూవీపై పవన్ అభిమానులు ఎంతో నమ్మకం పెట్టుకున్నారు. ఓజీతో మరోసారి పవర్ స్టార్ బాక్సాఫీస్ స్టామినా తెలుస్తుందని ఫ్యాన్స్ బలంగా నమ్ముతున్నారు. కేవలం సెట్స్ లోని పవన్ పిక్స్ తోనే ఈ సినిమాపై అంచనాలు పెరిగిపోయాయి. ఇక ఇప్పుడు ఆ అంచనాలను రెట్టింపు చేసే 'ఓజీ' ఫస్ట్ లుక్ కి ముహూర్తం ఫిక్స్ అయిందని తెలుస్తోంది.
సెప్టెంబర్ 2న పవన్ కళ్యాణ్ పుట్టినరోజు. ఆయన బర్త్ డే కానుకగా 'ఓజీ' ఫస్ట్ లుక్ ని విడుదల చేయాలని మేకర్స్ ప్లాన్ చేస్తున్నారట. ఈ సినిమాలో పవన్ లుక్ ఓ రేంజ్ లో ఉండబోతుందని షూటింగ్ లొకేషన్స్ లోని ఆయన ఫోటోలను చూస్తే అర్థమైంది. ఆ ఫోటోలతోనే ఈ సినిమాపై అంచనాలు పెరిగిపోయాయి. ఇక ఇప్పుడు ఫస్ట్ లుక్ ఏ స్థాయిలో ఉంటుందో, అంచనాలు మరే స్థాయికి వెళ్తాయోనని అభిమానులు ఎంతో ఆసక్తిగా ఎదురుచూస్తున్నారు. ఈ సినిమాని ఈ ఏడాది డిసెంబర్ లేదా వచ్చే ఏడాది ఏప్రిల్ లో విడుదల చేయడానికి సన్నాహాలు చేస్తున్నారని సమాచారం.