ఒక హీరో క్రియేట్ చేసిన రికార్డుని మరో హీరో బ్రేక్ చేయడం సహజం. మహేష్ బాబు క్రియేట్ చేసిన ఒక రికార్డుని బ్రేక్ చేసే దిశగా ఇప్పుడు నాని పయనిస్తున్నాడు. మిగతా టాలీవుడ్ స్టార్స్ అందరినీ వెనక్కి నెట్టి, నాని ఈ రికార్డు సృష్టించనుండటం విశేషం.

నాని నటించిన తాజా చిత్రం 'హాయ్ నాన్న' డిసెంబర్ 7న విడుదలై పాజిటివ్ టాక్ తో మంచి వసూళ్లు రాబడుతోంది. ముఖ్యంగా యూఎస్ లో 1 మిలియన్ డాలర్ల క్లబ్ లో చేరింది. గతంలో నాని నటించిన 8 సినిమాలు ఈ ఫీట్ సాధించగా.. హాయ్ నాన్న తొమ్మిదవది.

యూఎస్ లో మిలియన్ డాలర్ల సినిమాల పరంగా 11 సినిమాలతో మహేష్ బాబు టాప్ లో ఉండగా.. 9 సినిమాలతో రెండో స్థానంలో నాని ఉన్నాడు. 7 సినిమాలతో ఎన్టీఆర్, పవన్ కళ్యాణ్ మూడో స్థానంలో నిలిచారు. ఇక ఐదు సినిమాలతో ప్రభాస్, అల్లు అర్జున్, నాలుగు సినిమాలతో చిరంజీవి, బాలకృష్ణ, విజయ్ దేవరకొండ, వరుణ్ తేజ్ ఆ తర్వాతి స్థానాల్లో ఉన్నారు.

రాబోయే రెండు మూడేళ్ళలో మహేష్ రికార్డుని బ్రేక్ చేసి నాని టాప్ ప్లేస్ లోకి వచ్చే ఛాన్స్ ఉంది. త్వరలో 'గుంటూరు కారం'తో పలకరించున్న మహేష్.. ఆ తర్వాత కనీసం రెండు మూడేళ్లు రాజమౌళి ప్రాజెక్ట్ కి అంకితం కానున్నాడు. మరోవైపు నాని ఈ గ్యాప్ లో నాలుగైదు సినిమాలతో పలకరించే అవకాశముంది. నాని నటించిన మెజారిటీ సినిమాలు రిజల్ట్ తో సంబంధం లేకుండా యూఎస్ లో 1 మిలియన్ మార్క్ అందుకుంటాయి. ఈ లెక్కన రాబోయే రోజుల్లో మహేష్ రికార్డుని నాని బ్రేక్ చేస్తాడు అనడంలో సందేహం లేదు.