English | Telugu
ఒకే బాటలో నందమూరి బ్రదర్స్!
Updated : Oct 5, 2023
జూనియర్ ఎన్టీఆర్ హీరోగా కొరటాల శివ దర్శకత్వంలో రూపొందుతోన్న పాన్ ఇండియా మూవీ 'దేవర'. యువసుధ ఆర్ట్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ సినిమాని రెండు భాగాలుగా విడుదల చేయనున్నట్లు తాజాగా ప్రకటించారు. మొదటి భాగం 2024, ఏప్రిల్ 5న ప్రేక్షకుల ముందుకు రానుంది. ఇదిలా ఉంటే తమ్ముడు ఎన్టీఆర్ బాటలోనే అన్నయ్య కళ్యాణ్ రామ్ కూడా పయనించనున్నట్లు తెలుస్తోంది.
నందమూరి కళ్యాణ్ రామ్ హీరోగా నటిస్తోన్న లేటెస్ట్ పీరియాడి స్పై థ్రిల్లర్ ‘డెవిల్’. ఇందులో కళ్యాణ్ రామ్ బ్రిటీష్ సీక్రెట్ ఏజెంట్గా కనిపించనున్నాడు. నిర్మాత అభిషేక్ నామా 'డెవిల్' కోసం మెగాఫోన్ పట్టడం విశేషం. ఈ మూవీ ఈ ఏడాది నవంబర్ 24న ప్రేక్షకుల ముందుకు రానుంది. ఇప్పుడు ఈ సినిమాకి సంబంధించి ఓ ఆసక్తికర న్యూస్ వినిపిస్తోంది. అదేంటంటే డెవిల్ కూడా రెండు భాగాలుగా రానుందట. ఇప్పటికే స్క్రిప్ట్ పనులు స్టార్ట్ అయ్యాయని మొదటి భాగం విడుదల కాగానే, రెండో భాగం సెట్స్ పైకి వెళ్తుందని అంటున్నారు. రెండో భాగానికి కూడా అభిషేక్ నామానే దర్శకత్వం వహించే అవకాశముందని సమాచారం.