బాలకృష్ణ సరసన పార్వతీ మెల్టన్ నటించబోతోందని ఫిలిం నగర్ వర్గాల ద్వారా అందిన సమాచారం. వివరాల్లోకి వెళితే యువరత్న నందమూరి బాలకృష్ణ హీరోగా, రవి చావలి దర్శకత్వంలో, ఆర్ ఆర్ మూవీ మేకర్స్ పతాకంపై, డాక్టర్ వెంకట్ నిర్మించే చిత్రంలో హీరోయిన్ గా పార్వతీ మెల్టన్ నటించనుందట. మహేష్ బాబు హీరోగా నటించిన "దూకుడు" చిత్రంలో ఒక ఐటం సాంగ్ లో నటించిన పార్వతీ మెల్టన్ ప్రస్తుతం పవన్ కళ్యాణ్ హీరోగా నటిస్తున్న "గబ్బర్ సింగ్" చిత్రంలో కూడా ఒక ఐటం సాంగ్ లో నటిస్తుందట.

సాయిరాం శంకర్ హీరోగా నటిస్తున్న చిత్రంలో పార్వతీ మెల్టన్ హీరోయిన్ గా నటిస్తూంది. అలాంటి పార్వతీ మెల్టన్ నందమూరి నటసింహం బాలయ్య సరసన హీరోయిన్ గా నటించే అవకాశం రావటంతో సంతోషంతో తలమునకలవుతుందట.