ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో నిర్మించబడుతున్న విభిన్న కథా చిత్రం "బిజినెస్ మ్యాన్". ఈ "బిజినెస్ మ్యాన్" చిత్రం ఒక పక్క షూటింగ్ జరుపుకుంటూనే ప్రస్తుతం డబ్బింగ్ కూడా జరుపుకుంటూంది. హైదరాబాద్ శబ్దాలయా రికార్డింగ్ థియేటర్లో ఈ "బిజినెస్ మ్యాన్" తాలూకు డబ్బింగ్ కార్యక్రమాలు వేగంగా జరుగుతున్నాయి. ప్రిన్స్ మహేష్ బాబు "బిజినెస్ మ్యాన్" చిత్రం కోసం ఒక థీమ్ సాంగ్ ను పాడటం విశేషం.

ఈ "బిజినెస్ మ్యాన్" చిత్రానికి థమన్ యస్.యస్. సంగీతాన్ని అందిస్తున్నారు. ఈ చిత్రం ఆడియో డిసెంబర్ 22 న విడుదల చేసి ఈ "బిజినెస్ మ్యాన్" చిత్రాన్ని 2012 జనవరి 12 వ తేదీన సంక్రాంతి పండుగ కానుకగా విడుదల చేయనున్నారు. పూరీ, మహేష్ బాబుల కాంబినేషన్ లో వచ్చిన "పోకిరి" చిత్రం బక్సాఫీస్ రికార్డులు తిరగరాసింది. దాని తర్వాత వీళ్ళిద్దరి కాంబినేషన్ లో వస్తున్న చిత్రం కనుక దీని మీద ప్రేక్షకులకు భారీ అంచనాలున్నాయి.