English | Telugu
నాగ్ హీరోగా కమాక్షీ కళా మూవీస్ చిత్రం
Updated : Jul 28, 2011
నాగ్ హీరోగా కమాక్షీ కళా మూవీస్ చిత్రం ప్రారంభం కాబోతూందని విశ్వసనీయవర్గాలద్వారా అందిన సమాచరం. వివరాల్లోకి వెళితే మన తెలుగు హీరోల్లో గత పాతికేళ్ళుగా ఒక్క నాగార్జునతో తప్ప ఇంకెవరితోనూ సినిమాలు తీయని ఏకైక నిర్మాత కామాక్షీ కళా మూవీస్ బ్యానర్ అధినేత డి.శివప్రసాదరెడ్డి. ఆయన అలా నాగార్జున హీరోగా "విక్కీ దాదా, ఎదురులేని మనిషి, నేనున్నాను, కింగ్, రగడ" వంటి అనేక చిత్రాలను నిర్మించారు.
నాగార్జున తర్వాత ఆయన కుమారుడు నాగచైతన్య హీరోగా ప్రస్తుతం "దడ" అనే సినిమా నిర్మిస్తున్నారు. అటువంటి ప్రత్యేకమైన నిర్మాత డి.శివప్రసాదరెడ్డి మరోసారి యువసామ్రాట్ అక్కినేని నాగార్జు హీరోగా విభిన్నకథా చిత్రాన్ని నిర్మించబోతున్నారని తెలిసింది. ఈ సినిమా రానున్న జనవరిలో ప్రారంభం కాబోతుందట. నాగార్జున ప్రస్తుతం "రాజన్న"సినిమాలో హీరోగా నటిస్తున్నారు. దీని తర్వాత "షిర్డి సాయిబాబా" చిత్రంలో నటిస్తారు. ఈ చిత్రం తర్వాత కామాక్షీ కళా మూవీస్ వారి చిత్రం ప్రారంభమవుతుంది.