పవన్ కళ్యాణ్ తల్లిగా సుహసిని నటిస్తూందని విశ్వసనీయ వర్గాల ద్వారా తెలిసింది. వివరల్లోకి వెళితే బాలీవుడ్ లో, సల్మాన్ ఖాన్ హీరోగా నటించగా సూపర్ హిట్టయిన "దబాంగ్" సినిమాని తెలుగులో "గబ్బర్ సింగ్" పేరుతో, పవన్ కళ్యాణ్ హీరోగా, పరమేశ్వర ఆర్ట్స్ పతాకంపై, గణేష్ పునర్నిర్మిస్తున్న సంగతి తెలిసిందే. ఈ "గబ్బర్ సింగ్" చిత్రానికి "షాక్, మిరపకాయ" చిత్రాల ఫేం హరీష్ శంకర్ దర్శకత్వం వహిస్తున్నారు. ఈ చిత్రంలో హీరో పవన్ కళ్యాణ్ కి తల్లిగా సీనియర్ నటి సుహాసిని నటిస్తున్నారని తెలిసింది.

సుహాసిని గతంలో "లీడర్, పెదబాబు, వరుడు" చిత్రాల్లో వరసగా రానా, జగపతిబాబు, అల్లు అర్జున్ లకు తల్లిగా నటించింది. ఈ మూడు చిత్రాల్లో "వరుడు" ఆశించిన స్థాయిలో విజయం సాధించలేదు కానీ మిగిలిన రెండు చిత్రాలూ ఘనవిజయాన్ని సాధించాయనే చెప్పాలి. పవన్ కళ్యాణ్ అన్నయ్య మెగస్టార్ చిరంజీవి సరసన సుహసిని పలు చిత్రాల్లో హీరోయిన్ గా నటించారు.ఈ చిత్రాన్ని ఆగస్ట్ నెలలో ప్రారంభించనున్నారు.