English | Telugu
వెంకీ, నాగ్ల మల్టీస్టారర్?
Updated : Jan 19, 2015
తెలుగునాట మల్టీస్టారర్ ట్రెండ్ దూకుడు చూపిస్తోంది. మహేష్ - వెంకీ, వెంకీ - రామ్, వెంకీ - పవన్, నాగచైతన్య - సునీల్... ఇలాంటి కాంబినేషన్లు చూసేశాం. ఇప్పుడు మరో క్రేజీ కలయిక రాబోతోందని టాలీవుడ్ టాక్. అదే వెంకటేష్, నాగార్జున. వీరిద్దరూ కలసి ఓ సినిమా చేయబోతున్నారని, ఈ చిత్రానికి వి.వి.వినాయక్ దర్శకత్వం వహిస్తారని ఫిల్మ్నగర్ సమాచారం. బాలీవుడ్ క్లాసిక్ రామ్లఖన్కి ఇది రీమేక్ అని తెలుస్తోంది. ప్రస్తుతం వినాయక్ అఖిల్ లాంచింగ్ ప్రాజెక్ట్ చేపట్టారు. ఈ సినిమా పూర్తయిన వెంటనే వెంకీ, నాగ్లతో సినిమా సెట్స్పైకి తీసుకెళ్లారని తెలుస్తోంది. వెంకీ, నాగార్జున సమకాలికులు. ఇద్దరికీ కొత్త కథలంటే మక్కువ. మంచి కథ దొరికితే తమ ఇమేజ్ని పక్కన పెట్టి మరీ నటిస్తారు. అన్నట్టు.... బంధుత్వం కూడా ఉంది. కానీ కలసి మాత్రం ఒక్క సినిమా కూడా చేయలేదు. ఆ లోటు వినాయక్ పూడిస్తే అంతకంటే కావల్సిందేముంది..?