సి యన్ ఆర్ క్రియేషన్స్ మరియూ మంత్ర ఎంటర్ టైన్ మెంట్స్ పతాకాలపై, ఛార్మి టైటిల్ పాత్రలో నటిస్తూండగా,ఓషో తులసీ రామ్ స్వీయ దర్శకత్వంలో నిర్మిస్తున్న విభిన్న కథా చిత్రం"మంగళ".ఈ చిత్రం లో నటించటానికి ఛార్మి తాను చాలా భయపడ్డాననీ, ఈ "మంగళ"సినిమాలో నటిస్తున్నప్పుడు చాలా నిద్రలేని రాత్రులను గడిపాననీ, ఈ "మంగళ"చిత్రాన్ని రానున్న శివరాత్రి పర్వదినం సందర్భంగా విడుదల చేస్తున్నారనీ, ఆ రోజు ఈ సినిమా చూస్తే శివరాత్రి జాగారం చేయటం చాలా తేలికనీ, ఎందుకంటే ఈ సినిమా చూస్తే నిద్ర పట్టదనీ మీడియాతో ఛార్మి అంది.తాను నటించిన "మంత్ర" చిత్రం థ్రిల్లర్ చిత్రమనీ, కానీ ఈ "మంగళ"చిత్రం మాత్రం హారర్ చిత్రమనీ కూడా ఛార్మి అంది.ఈ చిత్రంలోని "ఐస్ ఐస్" అనే పాట ఈ సంవత్సరానికే పాప్యులర్ సాంగ్ గా నిలుస్తుందని ఛార్మి జ్యోస్యం చెప్పారు. ఈ చిత్రాన్ని మార్చి 2 వ తేదీన విడుదల చేయనున్నారు.
