మహేష్ బాబు "జోస్ అలూక్కాస్" షోరూం లాంచ్ చేశారు. వివరాల్లోకి వెళితే కర్ణాటక, కేరళ, తమిళనాడు, పాండిచ్చేరీలలో 24 షోరూములున్న ప్రముఖ బంగారు నగల తయారీ సంస్థ "జోస్ అలూక్కాస్" తమ 25 వ షోరూమ్ ని హైదరాబాద్ పంజాగుట్టలో ప్రారంభించింది. అయితే "జోస్ అలూక్కాస్" సంస్థ యమ్.డి. ఈ షోరూమ్ ని ప్రముఖ తెలుగు హీరో ప్రిన్స్ మహేష్ బాబు చేతుల మీదుగా ఆవిష్కరింపజేశారు.

"జోస్ అలూక్కాస్" సంస్థ తమషోరూమ్ లను ఆంధ్రప్రదేశ్ లోని వివిధ ప్రాంతాలకు విస్తరింపజేయాలని ప్రయత్నిస్తూందనీ, ఆ ప్రయత్నంలో భాగంగా విజయవాడ, విశాఖపట్టణం వంటి నగరాల్లో కూడా తమ షోరూమ్ లను ప్రారంభిస్తామని ఆ సంస్థ యమ్.డి. మీడియాకు తెలిపారు. ప్రిన్స్ మహేష్ బాబు ప్రస్తుతం 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, సమంత హీరోయిన్ గా, శ్రీనువైట్ల దర్శకత్వంలో, అనీల్ సుంకర, రామ్ ఆచంట, గోపీనాథ్ ఆచంట కలసి నిర్మిస్తున్న"దూకుడు" చిత్రంలో హీరోగా నటిస్తున్నారు.