సర్వ ఉపనిషత్తుల సారాంశాన్ని భగవద్గీతగా మనకందించిన శ్రీకృష్ణ పరమాత్మని స్తుతించే పదమే "కృష్ణం వందే జగద్గురుం". ఈ "కృష్ణం వందే జగద్గురుం" అనే పేరుతో ఒక చిత్రాన్ని యువ దర్శకుడు క్రిష్ తీయబోతున్నాడు. ఈ "కృష్ణం వందే జగద్గురుం" చిత్రంలో యువ హీరో రానా హీరోగా నటించనున్నాడు. కాగా హీరోయిన్ గా స్వీటీ అదేనండీ అనుష్క నటించనుంది.

ఈ "కృష్ణం వందే జగద్గురుం" అనే విభిన్న కథాంశంతో నిర్మించబోయే చిత్రాన్ని లాంఛనంగా రామానాయుడు స్టుడియోలో డిసెంబర్ 14 వ తేదీన ప్రారంభించనున్నారు. నిజానికి క్రిష్ ఈ చిత్రాన్ని విక్టరీ వేంకటేష్ హీరోగా తీయాలనుకున్నా, ఎందుకనో అది కుదరలేదు. అందుకే "దానే దానే లిఖా హువా హై ఖానే వాలే కా నామ్" అన్నారు పెద్దలు.